حَدَّثَنَا أَبُو السَّائِبِ، سَلْمُ بْنُ جُنَادَةَ بْنِ سَلْمٍ الْكُوفِيُّ حَدَّثَنَا أَحْمَدُ بْنُ بَشِيرٍ، عَنْ عُمَرَ بْنِ حَمْزَةَ، عَنْ سَالِمِ بْنِ عَبْدِ اللَّهِ بْنِ عُمَرَ، عَنْ أَبِيهِ، قَالَ قَالَ رَسُولُ اللَّهِ صلى الله عليه وسلم يَوْمَ أُحُدٍ " اللَّهُمَّ الْعَنْ أَبَا سُفْيَانَ اللَّهُمَّ الْعَنِ الْحَارِثَ بْنَ هِشَامٍ اللَّهُمَّ الْعَنْ صَفْوَانَ بْنَ أُمَيَّةَ " . قَالَ فَنَزَلَتْ : (لَيْسَ لَكَ مِنَ الأَمْرِ شَيْءٌ أَوْ يَتُوبَ عَلَيْهِمْ أَوْ يُعَذِّبَهُمْ ) فَتَابَ اللَّهُ عَلَيْهِمْ فَأَسْلَمُوا فَحَسُنَ إِسْلاَمُهُمْ . قَالَ أَبُو عِيسَى هَذَا حَدِيثٌ حَسَنٌ. غَرِيبٌ يُسْتَغْرَبُ مِنْ حَدِيثِ عُمَرَ بْنِ حَمْزَةَ عَنْ سَالِمٍ عَنْ أَبِيهِ . وَقَدْ رَوَاهُ الزُّهْرِيُّ عَنْ سَالِمٍ عَنْ أَبِيهِ لَمْ يَعْرِفْهُ مُحَمَّدُ بْنُ إِسْمَاعِيلَ مِنْ حَدِيثِ عُمَرَ بْنِ حَمْزَةَ وَعَرَفَهُ مِنْ حَدِيثِ الزُّهْرِيِّ .
Ibn Umar (roziyallohu anhumo)dan rivoyat qilinadi: U aytdi: Rasululloh ﷺ Uhud kuni: «Ey Alloh, Abu Sufyonga laʼnat qilgin! Ey Alloh, Horis ibn Hishomga laʼnat qilgin! Ey Alloh, Safvon ibn Umayyaga laʼnat qilgin!» dedilar. (Roviy) aytdi: Shunda: {(Ey Paygʻambar,) bu ishda sening (ixtiyoringda) hech narsa yoʻq, yo (Alloh) ularning tavbasini qabul qiladi yo ularni azoblaydi} (Oli Imron 128) (oyati) nozil boʻldi. Bas, Alloh ularning tavbasini qabul qildi, ular musulmon boʻlishdi va islomlari chiroyli boʻldi. Abu Iso aytdi: Bu hadis hasan gʻaribdir, Umar ibn Hamzaning Solimdan, uning otasidan (qilgan) hadisidan gʻarib (kam uchraydigan) deb topiladi. Buni az-Zuhriy ham Solimdan, otasidan rivoyat qilgan. Muhammad ibn Ismoil (Buxoriy) buni Umar ibn Hamza hadisidan bilmadi, balki az-Zuhriy hadisidan (tanib) bildi.Ибн Умар (розияллоҳу анҳумо)дан ривоят қилинади: У айтди: Расулуллоҳ ﷺ Уҳуд куни: «Эй Аллоҳ, Абу Суфёнга лаънат қилгин! Эй Аллоҳ, Ҳорис ибн Ҳишомга лаънат қилгин! Эй Аллоҳ, Сафвон ибн Умайяга лаънат қилгин!» дедилар. (Ровий) айтди: Шунда: {(Эй Пайғамбар,) бу ишда сенинг (ихтиёрингда) ҳеч нарса йўқ, ё (Аллоҳ) уларнинг тавбасини қабул қилади ё уларни азоблайди} (Оли Имрон 128) (ояти) нозил бўлди. Бас, Аллоҳ уларнинг тавбасини қабул қилди, улар мусулмон бўлишди ва исломлари чиройли бўлди. Абу Исо айтди: Бу ҳадис ҳасан ғарибдир, Умар ибн Ҳамзанинг Солимдан, унинг отасидан (қилган) ҳадисидан ғариб (кам учрайдиган) деб топилади. Буни аз-Зуҳрий ҳам Солимдан, отасидан ривоят қилган. Муҳаммад ибн Исмоил (Бухорий) буни Умар ибн Ҳамза ҳадисидан билмади, балки аз-Зуҳрий ҳадисидан (таниб) билди.