حَدَّثَنَا ابْنُ أَبِي عُمَرَ، حَدَّثَنَا سُفْيَانُ، عَنِ الأَعْمَشِ، عَنْ عَبْدِ اللَّهِ بْنِ مُرَّةَ، عَنْ مَسْرُوقٍ، عَنْ عَبْدِ اللَّهِ بْنِ مَسْعُودٍ، أَنَّهُ سُئِلَ عَنْ قَوْلِهِ : (وَلَاَ تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ ) فَقَالَ أَمَا إِنَّا قَدْ سَأَلْنَا عَنْ ذَلِكَ فَأُخْبِرْنَا أَنَّ أَرْوَاحَهُمْ فِي طَيْرٍ خُضْرٍ تَسْرَحُ فِي الْجَنَّةِ حَيْثُ شَاءَتْ وَتَأْوِي إِلَى قَنَادِيلَ مُعَلَّقَةٍ بِالْعَرْشِ فَاطَّلَعَ إِلَيْهِمْ رَبُّكَ اطِّلاَعَةً فَقَالَ هَلْ تَسْتَزِيدُونَ شَيْئًا فَأَزِيدُكُمْ قَالُوا رَبَّنَا وَمَا نَسْتَزِيدُ وَنَحْنُ فِي الْجَنَّةِ نَسْرَحُ حَيْثُ شِئْنَا ثُمَّ اطَّلَعَ إِلَيْهِمُ الثَّانِيَةَ فَقَالَ هَلْ تَسْتَزِيدُونَ شَيْئًا فَأَزِيدُكُمْ فَلَمَّا رَأَوْا أَنَّهُمْ لَمْ يُتْرَكُوا قَالُوا تُعِيدُ أَرْوَاحَنَا فِي أَجْسَادِنَا حَتَّى نَرْجِعَ إِلَى الدُّنْيَا فَنُقْتَلَ فِي سَبِيلِكَ مَرَّةً أُخْرَى . قَالَ أَبُو عِيسَى هَذَا حَدِيثٌ حَسَنٌ صَحِيحٌ . حَدَّثَنَا ابْنُ أَبِي عُمَرَ، حَدَّثَنَا سُفْيَانُ، عَنْ عَطَاءِ بْنِ السَّائِبِ، عَنْ أَبِي عُبَيْدَةَ، عَنِ ابْنِ مَسْعُودٍ، مِثْلَهُ وَزَادَ فِيهِ وَتُقْرِئُ نَبِيَّنَا السَّلاَمَ وَتُخْبِرُهُ عَنَّا أَنَّا قَدْ رَضِينَا وَرُضِيَ عَنَّا . قَالَ أَبُو عِيسَى هَذَا حَدِيثٌ حَسَنٌ .
Abdulloh ibn Masʼud (roziyallohu anhu)dan rivoyat qilinadiki, undan Allohning: {Alloh yoʻlida oʻldirilganlarni oʻlik deb hisoblamagin, balki ular Robblari huzurida tirikdirlar, rizqlanurlar} (Oli Imron 169) degan soʻzi haqida soʻralganida, u dedi: Bizlar ham bu haqda soʻragan edik, bizga xabar berildiki, ularning ruhlari yashil qushlar (qiyofasi)da boʻlib, jannatda xohlagan joyiga sayr qiladi va Arshga osilgan qandillarga qaytadi. Robbingiz ularga bir nazar soldi-da: «Yana biror narsa qoʻshishimni istaysizlarmi, sizlarga qoʻshay?» dedi. Ular: «Ey Robbimiz, jannatda xohlagan joyimizga sayr qilib turganimizda yana nimani istaylik?» deyishdi. Soʻng u ularga ikkinchi marta nazar soldi-da: «Yana biror narsa qoʻshishimni istaysizlarmi, sizlarga qoʻshay?» dedi. Ular oʻzlari (bu savoldan) qoʻyilmasliklarini koʻrgach: «Ruhlarimizni jasadlarimizga qaytarsang, dunyoga qaytib, Sening yoʻlingda yana bir bor oʻldirilsak», deyishdi. Abu Iso aytdi: Bu hadis hasan sahihdir. Yana Ibn Masʼuddan (boshqa yoʻl bilan) shunga oʻxshash rivoyat ham bor, unda: «Paygʻambarimizga bizdan salom yetkazgin va unga bizdan, biz rozi boʻldik va bizdan rozi boʻlindi, deb xabar bergin», deb qoʻshilgan. Abu Iso aytdi: Bu hadis hasandir.Абдуллоҳ ибн Масъуд (розияллоҳу анҳу)дан ривоят қилинадики, ундан Аллоҳнинг: {Аллоҳ йўлида ўлдирилганларни ўлик деб ҳисобламагин, балки улар Робблари ҳузурида тирикдирлар, ризқланурлар} (Оли Имрон 169) деган сўзи ҳақида сўралганида, у деди: Бизлар ҳам бу ҳақда сўраган эдик, бизга хабар берилдики, уларнинг руҳлари яшил қушлар (қиёфаси)да бўлиб, жаннатда хоҳлаган жойига сайр қилади ва Аршга осилган қандилларга қайтади. Роббингиз уларга бир назар солди-да: «Яна бирор нарса қўшишимни истайсизларми, сизларга қўшай?» деди. Улар: «Эй Роббимиз, жаннатда хоҳлаган жойимизга сайр қилиб турганимизда яна нимани истайлик?» дейишди. Сўнг у уларга иккинчи марта назар солди-да: «Яна бирор нарса қўшишимни истайсизларми, сизларга қўшай?» деди. Улар ўзлари (бу саволдан) қўйилмасликларини кўргач: «Руҳларимизни жасадларимизга қайтарсанг, дунёга қайтиб, Сенинг йўлингда яна бир бор ўлдирилсак», дейишди. Абу Исо айтди: Бу ҳадис ҳасан саҳиҳдир. Яна Ибн Масъуддан (бошқа йўл билан) шунга ўхшаш ривоят ҳам бор, унда: «Пайғамбаримизга биздан салом етказгин ва унга биздан, биз рози бўлдик ва биздан рози бўлинди, деб хабар бергин», деб қўшилган. Абу Исо айтди: Бу ҳадис ҳасандир.