Ubay ibn Kaʼb (roziyallohu anhu)dan rivoyat qilinadi: Uhud kuni boʻlganida ansorlardan oltmish toʻrt kishi, muhojirlardan esa olti kishi shahid boʻldi, ular orasida Hamza ham bor edi. Va ularni (jasadlarini) majruh qildilar (boʻlaklab tashladilar). Shunda ansorlar: «Agar (kelajakda) bir kuni shu kabi ularning ustidan gʻalaba qilsak, albatta ulardan koʻproq (kishini majruh) qilib, ortigʻicha qaytaramiz», deyishdi. (Ubay) aytdi: Makka fathi kuni boʻlganida Alloh: {Agar siz jazo bersangiz, oʻzingizga berilgan jazo miqdoricha jazo bering. Sabr qilsangiz esa, bu sabr qiluvchilar uchun, albatta, yaxshiroqdir} (Nahl 126) (oyatini) nozil qildi. Shunda bir kishi: «Bugundan keyin Quraysh (qolmasin)!» dedi. Rasululloh ﷺ: «Toʻrt kishidan boshqa qavmga tegmanglar», dedilar. Abu Iso aytdi: Bu hadis Ubay ibn Kaʼb hadisidan hasan gʻaribdir.Убай ибн Каъб (розияллоҳу анҳу)дан ривоят қилинади: Уҳуд куни бўлганида ансорлардан олтмиш тўрт киши, муҳожирлардан эса олти киши шаҳид бўлди, улар орасида Ҳамза ҳам бор эди. Ва уларни (жасадларини) мажруҳ қилдилар (бўлаклаб ташладилар). Шунда ансорлар: «Агар (келажакда) бир куни шу каби уларнинг устидан ғалаба қилсак, албатта улардан кўпроқ (кишини мажруҳ) қилиб, ортиғича қайтарамиз», дейишди. (Убай) айтди: Макка фатҳи куни бўлганида Аллоҳ: {Агар сиз жазо берсангиз, ўзингизга берилган жазо миқдорича жазо беринг. Сабр қилсангиз эса, бу сабр қилувчилар учун, албатта, яхшироқдир} (Наҳл 126) (оятини) нозил қилди. Шунда бир киши: «Бугундан кейин Қурайш (қолмасин)!» деди. Расулуллоҳ ﷺ: «Тўрт кишидан бошқа қавмга тегманглар», дедилар. Абу Исо айтди: Бу ҳадис Убай ибн Каъб ҳадисидан ҳасан ғарибдир.