Ibn Abbos (roziyallohu anhumo)dan rivoyat qilinadi: Biz Ibn Abbosga: «Alloh azza va jallaning: {Alloh hech bir kishi uchun ich-bagʻrida ikkita qalb qilib qoʻymadi} (Ahzob 4) degan soʻzi haqida nima deysiz, bundan nima koʻzda tutilgan?» dedik. U: «Bir kuni Allohning Nabiysi ﷺ namoz oʻqib turardilar, shunda (koʻngillariga) bir narsa keldi (xayolga toldilar). Shunda u zot bilan birga namoz oʻqiyotgan munofiqlar: ‹Uning ikkita qalbi borligini koʻrmaysizmi: bir qalbi sizlar bilan, bir qalbi ular bilan?› dedilar. Shunda Alloh: {Alloh hech bir kishi uchun ich-bagʻrida ikkita qalb qilib qoʻymadi} (Ahzob 4) (oyatini) nozil qildi», dedi. Abu Iso aytdi: Bu hadis hasandir.Ибн Аббос (розияллоҳу анҳумо)дан ривоят қилинади: Биз Ибн Аббосга: «Аллоҳ азза ва жалланинг: {Аллоҳ ҳеч бир киши учун ич-бағрида иккита қалб қилиб қўймади} (Аҳзоб 4) деган сўзи ҳақида нима дейсиз, бундан нима кўзда тутилган?» дедик. У: «Бир куни Аллоҳнинг Набийси ﷺ намоз ўқиб турардилар, шунда (кўнгилларига) бир нарса келди (хаёлга толдилар). Шунда у зот билан бирга намоз ўқиётган мунофиқлар: ‹Унинг иккита қалби борлигини кўрмайсизми: бир қалби сизлар билан, бир қалби улар билан?› дедилар. Шунда Аллоҳ: {Аллоҳ ҳеч бир киши учун ич-бағрида иккита қалб қилиб қўймади} (Аҳзоб 4) (оятини) нозил қилди», деди. Абу Исо айтди: Бу ҳадис ҳасандир.