Abdulloh ibn Masʼud (roziyallohu anhu) aytadi: Men Kaʼbaning pardalari ortida yashirinib turgan edim. Bas, uch kishi keldi — qorinlaridagi yogʻi koʻp, qalblari tushunchadan oz edi: bir qurayshlik va uning ikki kuyovi saqafiylar, yoki bir saqafiy va uning ikki kuyovi qurayshliklar. Ular men tushunmagan bir gapni gaplashishdi. Ulardan biri: «Alloh shu gapimizni eshitadi deb oʻylaysizlarmi?», dedi. Boshqasi: «Ovozimizni koʻtarsak eshitadi, koʻtarmasak eshitmaydi», dedi. Yana biri: «Agar undan biror narsani eshitsa, hammasini eshitadi», dedi. Abdulloh aytadi: Bas, men buni Nabiy ﷺga aytdim, shunda Alloh: {Sizlar quloqlaringiz, koʻzlaringiz va terilaringiz oʻzlaringizga qarshi guvohlik berishidan (qoʻrqib) yashirinmas edingizlar} (oyatdan) to {ziyon koʻruvchilardan boʻlib qoldingiz} (degan soʻzigacha) (Fussilat 22-23) nozil qildi. Abu Iso aytdi: Bu hadis hasandir.Абдуллоҳ ибн Масъуд (розияллоҳу анҳу) айтади: Мен Каъбанинг пардалари ортида яшириниб турган эдим. Бас, уч киши келди — қоринларидаги ёғи кўп, қалблари тушунчадан оз эди: бир қурайшлик ва унинг икки куёви сақафийлар, ёки бир сақафий ва унинг икки куёви қурайшликлар. Улар мен тушунмаган бир гапни гаплашишди. Улардан бири: «Аллоҳ шу гапимизни эшитади деб ўйлайсизларми?», деди. Бошқаси: «Овозимизни кўтарсак эшитади, кўтармасак эшитмайди», деди. Яна бири: «Агар ундан бирор нарсани эшитса, ҳаммасини эшитади», деди. Абдуллоҳ айтади: Бас, мен буни Набий ﷺга айтдим, шунда Аллоҳ: {Сизлар қулоқларингиз, кўзларингиз ва териларингиз ўзларингизга қарши гувоҳлик беришидан (қўрқиб) яширинмас эдингизлар} (оятдан) то {зиён кўрувчилардан бўлиб қолдингиз} (деган сўзигача) (Фуссилат 22-23) нозил қилди. Абу Исо айтди: Бу ҳадис ҳасандир.