Anas ibn Molik (roziyallohu anhu)dan rivoyat qilinadiki, bir yahudiy Nabiy ﷺ va u zotning sahobalarining oldiga kelib: ‹Assomu alaykum (sizlarga oʻlim boʻlsin)›, dedi. Shunda jamoa unga (alaykum, deb) javob qaytardi. Allohning Nabiysi ﷺ: «Bu (kishi) nima deganini bilasizlarmi?», dedilar. Ular: ‹Alloh va Uning Rasuli yaxshi biladi. U salom berdi, ey Allohning Nabiysi›, dedilar. U zot: «Yoʻq, balki u manday-manday dedi. Uni menga qaytaringlar», dedilar. Shunda uni qaytarib olib kelishdi. U zot: «Sen ‹assomu alaykum› dedingmi?», dedilar. U: ‹Ha›, dedi. Shunda Allohning Nabiysi ﷺ: «Ahli kitobdan biri sizlarga salom bersa, ‹alayka› (senga ham) deb javob qaytaringlar», dedilar. Yana: «Senga oʻzing aytgan narsa boʻlsin», dedilar. U zot dedilar: {Ular sening oldingga kelganlarida, seni Alloh salomlamagan (soʻz) bilan salomlaydilar} (Mujodala 8). Abu Iso aytdi: Bu hadis hasan sahihdir.Анас ибн Молик (розияллоҳу анҳу)дан ривоят қилинадики, бир яҳудий Набий ﷺ ва у зотнинг саҳобаларининг олдига келиб: ‹Ассому алайкум (сизларга ўлим бўлсин)›, деди. Шунда жамоа унга (алайкум, деб) жавоб қайтарди. Аллоҳнинг Набийси ﷺ: «Бу (киши) нима деганини биласизларми?», дедилар. Улар: ‹Аллоҳ ва Унинг Расули яхши билади. У салом берди, эй Аллоҳнинг Набийси›, дедилар. У зот: «Йўқ, балки у мандай-мандай деди. Уни менга қайтаринглар», дедилар. Шунда уни қайтариб олиб келишди. У зот: «Сен ‹ассому алайкум› дедингми?», дедилар. У: ‹Ҳа›, деди. Шунда Аллоҳнинг Набийси ﷺ: «Аҳли китобдан бири сизларга салом берса, ‹алайка› (сенга ҳам) деб жавоб қайтаринглар», дедилар. Яна: «Сенга ўзинг айтган нарса бўлсин», дедилар. У зот дедилар: {Улар сенинг олдингга келганларида, сени Аллоҳ саломламаган (сўз) билан саломлайдилар} (Мужодала 8). Абу Исо айтди: Бу ҳадис ҳасан саҳиҳдир.