Zayd ibn Arqam (roziyallohu anhu)dan rivoyat qilinadi: Tabuk gʻazotida Abdulloh ibn Ubayy: «Agar Madinaga qaytsak, albatta azizlar undagi xorlarni chiqarib yuboradi», dedi. (Zayd) dedi: Men Nabiy ﷺning oldiga kelib, buni u zotga aytdim. U esa, men aytganimni aytmaganiga qasam ichdi. Qavmim meni malomat qilib: «Bu (ish)dan nima maqsad qilgan eding?» dedilar. Men uyga kelib, gʻamgin va xafa boʻlib uxladim. Soʻng Nabiy ﷺ huzurimga keldilar — yoki men u zotning oldiga bordim — va u zot: «Allloh seni tasdiqladi», dedilar. Shunda mana bu oyat nozil boʻldi: {Ular: ‹Rasullullohning huzuridagilarga, ular tarqab ketgunlaricha sarf-xarajat qilmanglar› deydiganlardir} (Munofiqun 7). Abu Iso aytdi: Bu hadis hasan sahihdir.Зайд ибн Арқам (розияллоҳу анҳу)дан ривоят қилинади: Табук ғазотида Абдуллоҳ ибн Убайй: «Агар Мадинага қайтсак, албатта азизлар ундаги хорларни чиқариб юборади», деди. (Зайд) деди: Мен Набий ﷺнинг олдига келиб, буни у зотга айтдим. У эса, мен айтганимни айтмаганига қасам ичди. Қавмим мени маломат қилиб: «Бу (иш)дан нима мақсад қилган эдинг?» дедилар. Мен уйга келиб, ғамгин ва хафа бўлиб ухладим. Сўнг Набий ﷺ ҳузуримга келдилар — ёки мен у зотнинг олдига бордим — ва у зот: «Алллоҳ сени тасдиқлади», дедилар. Шунда мана бу оят нозил бўлди: {Улар: ‹Расуллуллоҳнинг ҳузуридагиларга, улар тарқаб кетгунларича сарф-харажат қилманглар› дейдиганлардир} (Мунофиқун 7). Абу Исо айтди: Бу ҳадис ҳасан саҳиҳдир.