Abul Ashas as-Sanaaniy (rahimahulloh)dan rivoyat qilinadiki, Shomda bir qancha kishilar xutba soʻzladi, ular orasida Rasululloh ﷺning sahobalaridan bir necha erkak ham bor edi. Ularning eng oxirgisi boʻlib, Murra ibn Kaʼb degan kishi oʻrnidan turib dedi: «Agar Rasululloh ﷺdan eshitgan bir hadisim boʻlmaganda, oʻrnimdan turmagan boʻlardim». U fitnalarni zikr qildi va ularning yaqinligini aytdi. Shu payt boshini bir matoga oʻrab olgan bir kishi oʻtib qoldi. Shunda u: «Bu kishi oʻsha kunda hidoyatda boʻladi», dedi. Men oʻrnimdan turib uning oldiga bordim, qarasam, u Usmon ibn Affon ekan. Men yuzimni unga qaratib: «Shu kishimi?» dedim. U: «Ha», dedi. Bu hadis hasan sahihdir. Bu bobda Ibn Umar, Abdulloh ibn Havola va Kaʼb ibn Ujradan ham (rivoyatlar) bor.Абул Ашас ас-Санааний (раҳимаҳуллоҳ)дан ривоят қилинадики, Шомда бир қанча кишилар хутба сўзлади, улар орасида Расулуллоҳ ﷺнинг саҳобаларидан бир неча эркак ҳам бор эди. Уларнинг энг охиргиси бўлиб, Мурра ибн Каъб деган киши ўрнидан туриб деди: «Агар Расулуллоҳ ﷺдан эшитган бир ҳадисим бўлмаганда, ўрнимдан турмаган бўлардим». У фитналарни зикр қилди ва уларнинг яқинлигини айтди. Шу пайт бошини бир матога ўраб олган бир киши ўтиб қолди. Шунда у: «Бу киши ўша кунда ҳидоятда бўлади», деди. Мен ўрнимдан туриб унинг олдига бордим, қарасам, у Усмон ибн Аффон экан. Мен юзимни унга қаратиб: «Шу кишими?» дедим. У: «Ҳа», деди. Бу ҳадис ҳасан саҳиҳдир. Бу бобда Ибн Умар, Абдуллоҳ ибн Ҳавола ва Каъб ибн Ужрадан ҳам (ривоятлар) бор.