Ibn Abbos (roziyallohu anhumo)dan rivoyat qilinadi: Bir kishi Nabiy ﷺ huzurlariga kelib: «Yo Rasululloh, men bu kecha uyqudaligimda oʻzimni bir daraxt ortida namoz oʻqiyotgandek koʻrdim. Soʻng sajda qildim, sajdamga (qoʻshilib) daraxt ham sajda qildi va men uning: ‹Allohumma-ktub liy bihaa indaka ajran, va daʼ anniy bihaa vizran, vajʼalhaa liy indaka zuxran, va taqabbalhaa minniy kamaa taqabbaltahaa min abdika Dovud (Allohim, bu (sajda) bilan huzuringda menga ajr yozgin, bu bilan mendan bir gunohni soqit qilgin, uni huzuringda menga zaxira qilgin va uni bandang Dovuddan qabul qilganingdek mendan ham qabul qilgin)›, deyayotganini eshitdim», dedi. Soʻng Nabiy ﷺ bir sajda (oyatini) oʻqib, sajda qildilar. Ibn Abbos aytdi: Men u zotning ham, daraxtning soʻzi haqida haligi kishi xabar berganidek (soʻzni) aytayotganlarini eshitdim. Bu bobda Abu Saiddan ham (rivoyat) bor. Abu Iso aytdi: Bu hadis Ibn Abbosning hadisidan hasan gʻaribdir, biz uni faqat shu yoʻldan bilamiz.Ибн Аббос (розияллоҳу анҳумо)дан ривоят қилинади: Бир киши Набий ﷺ ҳузурларига келиб: «Ё Расулуллоҳ, мен бу кеча уйқудалигимда ўзимни бир дарахт ортида намоз ўқиётгандек кўрдим. Сўнг сажда қилдим, саждамга (қўшилиб) дарахт ҳам сажда қилди ва мен унинг: ‹Аллоҳумма-ктуб лий биҳаа индака ажран, ва даъ анний биҳаа визран, важъалҳаа лий индака зухран, ва тақаббалҳаа минний камаа тақаббалтаҳаа мин абдика Довуд (Аллоҳим, бу (сажда) билан ҳузурингда менга ажр ёзгин, бу билан мендан бир гуноҳни соқит қилгин, уни ҳузурингда менга захира қилгин ва уни банданг Довуддан қабул қилганингдек мендан ҳам қабул қилгин)›, деяётганини эшитдим», деди. Сўнг Набий ﷺ бир сажда (оятини) ўқиб, сажда қилдилар. Ибн Аббос айтди: Мен у зотнинг ҳам, дарахтнинг сўзи ҳақида ҳалиги киши хабар берганидек (сўзни) айтаётганларини эшитдим. Бу бобда Абу Саиддан ҳам (ривоят) бор. Абу Исо айтди: Бу ҳадис Ибн Аббоснинг ҳадисидан ҳасан ғарибдир, биз уни фақат шу йўлдан биламиз.