Ibn Abbos (roziyallohu anhumo) aytdi: Bir kishi Paygʻambar ﷺning oldilariga kelib: «Ey Allohning Rasuli, men bu kecha uyqumda oʻzimni bir daraxt ortida namoz oʻqiyotgandek koʻrdim. Men sajda qilganimda daraxt ham mening sajdamga (qoʻshilib) sajda qildi va men uning: ‹Allohumma-ktub li biha indaka ajran, va daʼ anni biha vizran, vaj-alha li indaka zuxron, va taqobbalha minni kama taqobbaltaha min abdika Dovud (Ey Allohim, buning sababli huzuringda menga ajr yozgil, buning sababli mendan bir gunohni soqit qilgil, buni huzuringda menga zaxira qilgil va buni bandang Dovuddan qabul qilganing kabi mendan qabul qilgil)› deb aytayotganini eshitdim», dedi. Ibn Abbos aytdi: Paygʻambar ﷺ bir sajdali (oyatni) oʻqib, soʻng sajda qildilar. Ibn Abbos aytdi: Men u zotning, xuddi haligi kishi daraxtning soʻzi haqida xabar bergani kabi (soʻzlarni) aytayotganlarini eshitdim. Abu Iso aytdi: Bu hadis gʻaribdir, biz uni faqat shu yoʻl bilangina bilamiz. Bu bobda Abu Saiddan ham (rivoyat) bor.Ибн Аббос (розияллоҳу анҳумо) айтди: Бир киши Пайғамбар ﷺнинг олдиларига келиб: «Эй Аллоҳнинг Расули, мен бу кеча уйқумда ўзимни бир дарахт ортида намоз ўқиётгандек кўрдим. Мен сажда қилганимда дарахт ҳам менинг саждамга (қўшилиб) сажда қилди ва мен унинг: ‹Аллоҳумма-ктуб ли биҳа индака ажран, ва даъ анни биҳа визран, важ-алҳа ли индака зухрон, ва тақоббалҳа минни кама тақоббалтаҳа мин абдика Довуд (Эй Аллоҳим, бунинг сабабли ҳузурингда менга ажр ёзгил, бунинг сабабли мендан бир гуноҳни соқит қилгил, буни ҳузурингда менга захира қилгил ва буни банданг Довуддан қабул қилганинг каби мендан қабул қилгил)› деб айтаётганини эшитдим», деди. Ибн Аббос айтди: Пайғамбар ﷺ бир саждали (оятни) ўқиб, сўнг сажда қилдилар. Ибн Аббос айтди: Мен у зотнинг, худди ҳалиги киши дарахтнинг сўзи ҳақида хабар бергани каби (сўзларни) айтаётганларини эшитдим. Абу Исо айтди: Бу ҳадис ғарибдир, биз уни фақат шу йўл билангина биламиз. Бу бобда Абу Саиддан ҳам (ривоят) бор.