Jobir ibn Abdulloh (roziyallohu anhumo)dan rivoyat qilinadi: «Nabiy ﷺ Makkaga kelganlarida masjidga kirdilar, soʻng Hajarni (Hajarul-asvadni) istilom qildilar (qoʻl tekkizdilar), keyin oʻng tomonlariga yurdilar va uch (aylanish)da raml qildilar (tez yurdilar), toʻrt (aylanish)da odatdagidek yurdilar. Soʻng Maqomning oldiga keldilar va {Ibrohim turgan joydan namozgoh qilinglar} (Baqara 125) (oyatini oʻqidilar), keyin ikki rakaat namoz oʻqidilar, Maqom esa ular bilan Baytning oʻrtasida edi. Soʻng ikki rakaatdan keyin Hajarning oldiga kelib uni istilom qildilar, keyin Safoga chiqdilar — oʻylaymanki, u: {Albatta Safo va Marva Alloh shiorlaridandir} (Baqara 158) (oyatini oʻqidilar), dedi». (Roviy) aytdi: Bu bobda Ibn Umardan ham (hadis) bor. Abu Iso aytdi: Jobirning hadisi hasan sahih hadisdir. Ilm ahli shu bilan amal qiladilar.Жобир ибн Абдуллоҳ (розияллоҳу анҳумо)дан ривоят қилинади: «Набий ﷺ Маккага келганларида масжидга кирдилар, сўнг Ҳажарни (Ҳажарул-асвадни) истилом қилдилар (қўл теккиздилар), кейин ўнг томонларига юрдилар ва уч (айланиш)да рамл қилдилар (тез юрдилар), тўрт (айланиш)да одатдагидек юрдилар. Сўнг Мақомнинг олдига келдилар ва {Иброҳим турган жойдан намозгоҳ қилинглар} (Бақара 125) (оятини ўқидилар), кейин икки ракаат намоз ўқидилар, Мақом эса улар билан Байтнинг ўртасида эди. Сўнг икки ракаатдан кейин Ҳажарнинг олдига келиб уни истилом қилдилар, кейин Сафога чиқдилар — ўйлайманки, у: {Албатта Сафо ва Марва Аллоҳ шиорларидандир} (Бақара 158) (оятини ўқидилар), деди». (Ровий) айтди: Бу бобда Ибн Умардан ҳам (ҳадис) бор. Абу Исо айтди: Жобирнинг ҳадиси ҳасан саҳиҳ ҳадисдир. Илм аҳли шу билан амал қиладилар.