Ibn Umar (roziyallohu anhumo)dan rivoyat qilinadiki, Nabiy ﷺ Jamralarga tosh otganlarida ularga borishda ham, qaytishda ham piyoda yurar edilar. Abu Iso aytdi: Bu hasan sahih hadisdir. Baʼzilar buni Ubaydullohdan rivoyat qilib, uni (Nabiyga) marfu qilmaganlar. Koʻpchilik ilm ahli shunga amal qiladilar. Baʼzilar: «Nahr kunida ulovga minadi va Nahr kunidan keyingi kunlarda piyoda yuradi», dedilar. Abu Iso aytdi: Goʻyo shunday deganlar Nabiy ﷺning ishlariga ergashishni iroda qilganlar, chunki Nabiy ﷺdan u zot Jamralarga tosh otishga borgan Nahr kunida ulovga minganlari rivoyat qilingan, Nahr kunida esa faqat Jamratul-Aqabaga tosh otiladi (xolos).Ибн Умар (розияллоҳу анҳумо)дан ривоят қилинадики, Набий ﷺ Жамраларга тош отганларида уларга боришда ҳам, қайтишда ҳам пиёда юрар эдилар. Абу Исо айтди: Бу ҳасан саҳиҳ ҳадисдир. Баъзилар буни Убайдуллоҳдан ривоят қилиб, уни (Набийга) марфу қилмаганлар. Кўпчилик илм аҳли шунга амал қиладилар. Баъзилар: «Наҳр кунида уловга минади ва Наҳр кунидан кейинги кунларда пиёда юради», дедилар. Абу Исо айтди: Гўё шундай деганлар Набий ﷺнинг ишларига эргашишни ирода қилганлар, чунки Набий ﷺдан у зот Жамраларга тош отишга борган Наҳр кунида уловга минганлари ривоят қилинган, Наҳр кунида эса фақат Жамратул-Ақабага тош отилади (холос).