فَوَسَطْنَ بِهِۦ جَمْعًا
Muhammad Sodiq Muhammad Yusuf: Va u ila jamoa o`rtasiga (yorib) kirdilar.Ва у ила жамоа ўртасига (ёриб) кирдилар.Alauddin Mansour: Shu (chang-toʻzon) bilan (dushman) jamoasining oʻrtasiga kirib keladigan (ot)larga qasamki;Шу (чанг-тўзон) билан (душман) жамоасининг ўртасига кириб келадиган (от)ларга қасамки;
Yaʼni, mujohidlarning otlari tuyoqlaridan chang chiqarganlaricha, yeldek uchib borib, dushman safini yorib, oʻrtalariga kirib bordilar.
Alloh taolo urushga qatnashuvchi otlarning turli holatlari bilan qasam ichdi. Chunki, oʻsha paytlarda ot eng muhim ulov edi. Xususan, urushda uning ahamiyati haddan tashqari katta edi. Tarixdagi eng katta yurishlar, fath etishlar ot yordamida, chavandozlik ila amalga oshirilgan. Shuning uchun, barcha xalqlar, shu jumladan musulmonlar ham otga, chavandozlikka katta eʼtibor berganlar. Qurʼoni Karim ham shuni taʼkid etmoqda. Bu qasamdan yana bir murod– kelasi oyatlardagi mavzuʼga eʼtiborni tortish.