وَمَآ أَسْـَٔلُكُمْ عَلَيْهِ مِنْ أَجْرٍ ۖ إِنْ أَجْرِىَ إِلَّا عَلَىٰ رَبِّ ٱلْعَـٰلَمِينَ
Muhammad Sodiq Muhammad Yusuf: Men sizlardan buning uchun haq — ajr so`ramasman. Mening ajrim faqatgina Robbul olamiyn zimmasidadir.Мен сизлардан бунинг учун ҳақ — ажр сўрамасман. Менинг ажрим фақатгина Роббул оламийн зиммасидадир.Alauddin Mansour: Men bu (daʼvatim) uchun sizlardan ajr-mukofot soʻramayman. Mening ajr-mukofotim faqat barcha olamlarning Parvardigori zimmasidadir.Мен бу (даъватим) учун сизлардан ажр-мукофот сўрамайман. Менинг ажр-мукофотим фақат барча оламларнинг Парвардигори зиммасидадир.
Hud alayhissalomning oʻz qavmlariga qarata aytgan gaplari shu joygacha Nuh alayhissalomning gaplarining aynan oʻzi. Chunki, ularni yuborgan Robbilari bir, olib kelgan taʼlimotlari bir, ular qilayotgan daʼvat bir. Har ikkalasi ham Allohga iymon keltirib, unga taqvo qilishga va Paygʻambarga itoat etishga chaqirmoqda.
Keyingi oyatlarda Hud alayhissalomning Od qavmiga oid masalalar muolajasi haqida aytgan gaplari keladi: