Ortiqcha ishga yoʻl qoʻyilmay, u nobakor qavm halok etildi. Alloh taolo ularni azoblash uchun alohida azob farishtalaridan iborat lashkar tushirib ham oʻtirmadi. «Faqat birgina qichqiriqdan boshqa narsa boʻlmadi.» Alloh taoloning amri bilan ular ustiga bir qichqiriq keldi. «Birdan ular soʻnib qoldilar.» Yonib turgan hayot chiroqlari soʻndi. Oʻchib qolishdi. Oʻsha birgina qichqiriq bilan birdan soʻnishdi. Hollari shu ekan, hovliqib nima qilardilar. Qizigʻi shuki, ulardan oldingilar ham shunday holatga tushgan edilar, ammo ibrat olmadilar.