فَٱسْتَفْتِهِمْ أَهُمْ أَشَدُّ خَلْقًا أَم مَّنْ خَلَقْنَآ ۚ إِنَّا خَلَقْنَـٰهُم مِّن طِينٍ لَّازِبٍۭ
Muhammad Sodiq Muhammad Yusuf: Bas, sen ulardan so`ra: ularni yaratish qiyinroqmikan yoki Biz yaratgan zotlarni?! Albatta, Biz ularni yopishqoq loydan yaratdik.Бас, сен улардан сўра: уларни яратиш қийинроқмикан ёки Биз яратган зотларни?! Албатта, Биз уларни ёпишқоқ лойдан яратдик.Alauddin Mansour: Bas, (ey Muhammad alayhis-salotu vas-salom, Makka kofirlaridan) soʻrang-chi, ular(ni) yaratish qiyinroqmikan yoki Biz yaratgan zotlarnimi?! (Yaʼni, farishtalar va Yeru osmondagi barcha mavjudotni yaratish odamzotni yaratishdan ogʻirroq emasmi?!) Zotan, Biz (insonlarning asli-avvali boʻlmish Odam alayhissalomni) yopishqoq bir loydan yaratgandirmiz.Бас, (эй Муҳаммад алайҳис-салоту вас-салом, Макка кофирларидан) сўранг-чи, улар(ни) яратиш қийинроқмикан ёки Биз яратган зотларними?! (Яъни, фаришталар ва Еру осмондаги барча мавжудотни яратиш одамзотни яратишдан оғирроқ эмасми?!) Зотан, Биз (инсонларнинг асли-аввали бўлмиш Одам алайҳиссаломни) ёпишқоқ бир лойдан яратгандирмиз.
Ey Paygʻambar, Allohni inkor etayotgan mushriklardan soʻra- chi, oʻsha mushriklarni yaratish qiyinmikan yoki Biz yaratgan farishtalarni, osmonu yerni va ularning orasidagi narsalarni, yulduzlaru shaytonlarni yaratish qiyinmikan?! Oʻzlariga kelsak:
«Albatta, Biz ularni yopishqoq loydan yaratdik».
Asllari suvga qorilib tayyorlangan loydan boʻlgan, xolos. Bunchalar osmondan kelmasalar ham boʻlaveradi.