Insonlar yashab turgan bu dunyo osmoni ularga eng yaqin osmondir. Ana oʻsha osmonni Alloh taolo yulduzlar bilan ziynatlab qoʻygandir. Bu ham Uning barcha narsaning Robbi, yaratuvchisi va tadbirini qiluvchisi ekaniga dalildir. Yulduzlarning hajmi, son-sanogʻi, osmonda turishi, insonlarga yetkazadigan foydalari va boshqa ajoyibotlarini bir tomon qoʻyib, ularning dunyo osmoniga ziynat boʻlishinigina olib koʻraylik. Osmonga bundan goʻzalroq ziynat boʻlishi mumkinmi? Uni kim qila oladi? Batamom osmonni ziynatlash u yoqda tursin, biror zot bittagina boʻlsa ham ziynatni osmon ziynatiga qoʻsha olganmi? Albatta, yoʻq! Shunday boʻlgach, osmonni yulduzlar bilan ziynatlab qoʻygan Zotga iymon keltirmay, kimga iymon keltiriladi?! Osmonni ziynatlab qoʻygan Zotga ibodat qilmay, kimga ibodat qilinadi?!

Alloh taolo yulduzlarni osmonga ziynat qilish bilan birga: