Sizni soxta xudolaringiz yaratgani yoʻq. Buni oʻzingiz ham tan olasiz. Siz yoʻnib yasagan xudolaringizni ham Alloh taolo yaratgan. Dunyodagi yagona yaratuvchi zot Allohdir. Binobarin, dunyodagi ibodatga sazovor yagona zot ham Allohdir. Shunday ekan, ibodatga loyiq Oʻsha yagona Zotga sigʻinmay, nimaga oʻzingiz yoʻnib olgan butu sanamlarga ibodat qilmoqdasiz?!

Nobakor qavm Ibrohim alayhissalomning bu gaplaridan toʻgʻri xulosa chiqarib olmadi. Kofirlarning doimiy odatlari boʻyicha, aqliy va mantiqiy bahsda yengilganlaridan keyin kuch ishlatishga oʻtishdi.