وَبِٱلْأَسْحَارِ هُمْ يَسْتَغْفِرُونَ
Muhammad Sodiq Muhammad Yusuf: Va ular saharlarda istig`for aytar edilar.Ва улар саҳарларда истиғфор айтар эдилар.Alauddin Mansour: Va saharlarda ular (qilgan sahvu-xatolari uchun Parvardigordan magʻfirat soʻrar edilar.Ва саҳарларда улар (қилган саҳву-хатолари учун Парвардигордан мағфират сўрар эдилар.
Sahar chogʻida turish, istigʻfor aytib, gunohidan kechishni soʻrash juda ham fazilatli ish boʻlib, buni qilgan kishilar xayr-baraka, ulugʻ martabalarga erishadilar. Hadisi shariflardan birida Paygʻambarimiz alayhissalom: «Albatta, Alloh taolo har kuni kechaning uchdan biri qolganda dunyo osmoniga tushadi va tong otguncha: «Tavba qiluvchi bormi–tavbasini qabul qilaman; istigʻfor aytuvchi bormi–magʻfirat qilib, gunohini kechaman; soʻrovchi bormi–soʻraganini beraman», deydi, deganlar».
Shuning uchun, iloji boricha, saharda turib ibodat qilish, istigʻfor aytishga urinish lozim.