وَخَلَقَ ٱلْجَآنَّ مِن مَّارِجٍ مِّن نَّارٍ
Muhammad Sodiq Muhammad Yusuf: Va jinlarni o`t-alangadan yaratdi.Ва жинларни ўт-алангадан яратди.Alauddin Mansour: Jinlarni esa alanga-olovdan yaratdi.Жинларни эса аланга-оловдан яратди.
Alloh taolo jinni tutuni yoʻq olovdan yaratdi. Oyatdagi «maarijin» soʻzi shuni anglatadi. Olovdan jinning yaratilishi insonning ilm doirasiga kirmaydigan narsa. Qurʼon buni bizga bildiruvchi yagona manba. Biz ushbu xabarga iymon keltirishimiz lozim. Bu jarayon qanday kechganligini Allohning Oʻzi biladi. Bizga kengroq bildirishni xohlamagan ekan va bizdan bilish ilmini talab qilmagan ekan, bekorga ovora boʻlishimizning hojati yoʻq. Jinlar haqidagi maʼlumotlar «Jin» surasi tafsirida bayon qilingani uchun, bu yerda shugina fikr bilan cheklanamiz.