Yuqoridagi oyatlarda ikki jannat va ulardagi holatlar haqida soʻz ketdi. Lekin bundan «jannat ikkita ekan» degan fikrga kelmaslik kerak. Ikki jannatdan murod jannatning ichida baʼzi kishilarni alohida taqdirlab beriladigan bogʻlardir. Chunki, arab tilida bogʻni ham «jannat» deyiladi. Shuningdek, jannatning ichida turli maqomlar bor. Yaʼni, oliy maqomlar, oʻrtaroq maqomlar va quyi maqomlar bor. Bu haqida «Voqiʼa» surasida soʻz ketadi.

«Ar-Rohman» surasining kelasi oyatlarida ham yuqorida zikr qilingan oliy maqom jannatlardan koʻra martabasi quyi jannatlar va ularda boʻlmish noz-neʼmatlar haqida soʻz ketadi.