Ushbu oyatda kelishicha, qiyomat kuni odamlar uch toifaga boʻlinadilar. Bir toifa Arshning oʻng tarafida turadilar. Ular Otamiz Odam alayhissalomning oʻng tomonlaridan chiqqan zurriyotlari boʻlib, nomai aʼmollari oʻng tarafidan beriladiganlardir. Jannat ahli oʻshalardir.

Yana bir guruh Arshning chap tarafida turadilar. Ular Otamiz Odam alayhissalomning chap taraflaridan chiqqanlar boʻlib, nomai aʼmollari chap taraflaridan beriladiganlardir. Doʻzax ahlining koʻpi oʻshalardir.

Eng aʼlo toifa–peshqadamlar toifasi esa, Alloh taoloning roʻparasida boʻladilar. Ular eng xos, nasibasi ulugʻ kishilar boʻlib, Paygʻambarlar, siddiqlar, shahidlar va ularga qoʻshilganlardan iboratdir.

Uch toifaning taʼrifi keyingi oyatlarda keladi. Birinchi toifa: