Yaʼni, moʻminlar jufti halollaridan boshqalar bilan hech jinsiy yaqinlik qilmaydilar. Oyatda yana choʻrilari bilan ham jinsiy aloqa qilish mumkinligi zikr qilingan.

Buni shunday talqin qilinadi.

Islom qulchilikni tugatishga harakat qildi, urushlardagi asirlar bundan mustasnodir. Chunki, Islom avvalida dushman taraf musulmonlarni asir olib, qul etar ekan, musulmonlar ham shundoq etishga majbur boʻlardi, shu jumladan, ayollar ham asir olinardi. Islom asirga tushgan ayollarning har kimning qoʻlida yurishini manʼ qildi. Alloh taolo asirning faqat bir kishiga xos boʻlishini taʼkidladi. Shu bilan ularning ozod boʻlishlari uchun barcha sharoitlar yaratildi. Bu haqda avval batafsil soʻz yuritilgan.