Bu savol bilish uchun emas, balki inkor uchun, qiyomat qachon boʻlardi, hech qachon boʻlmaydi, demoqchi boʻlib aytilgan. Shuning uchun ham, avvalgi oyatda keltirilganidek, u oʻzining fisqu fujurida davom etadi, shuni xohlaydi va shu sababdan qiyomatga ham ishongisi kelmaydi. Chunki, fosiqlar havoyi nafslarining chegaralanishini hech xohlamaydilar. Qiyomatni kofirlar inkor qilib turgan bir paytda, qiyomatning haqligi toʻgʻrisidagi kuchli oyatlar keladi. Bir diqqat bilan eʼtibor bering-a.