Albatta, bular jannatiy bandalarning chehralaridir. Qiyomat kuni, avval zikr qilinganidek, oʻta dahshatli, har bir odamni oʻzini oʻzi bilan ovora qilib qoʻyadigan qoʻrqinchli bir kun boʻlsa ham, oʻsha kunda taqvodor moʻmin-musulmonlarning chehralari porloq boʻladi. Ular bu dunyodagi iymon-eʼtiqodlari, ibodatu amali solihlari mukofoti tariqasida oʻzlariga jannat va uning neʼmati haqida berilgan xushxabardan xursandlar, yuzlari toʻla kulgu.

Ammo doʻzaxiylarning holi qandoq boʻladi? Bu savolga javob quyidagi oyatlarda keladi: