Alloh taolo borliqni yaratgandan buyon dengizlar ham oʻziga yarasha ulugʻvorlik alomati boʻlib kelgan. Turli xalqlar oʻta keng, katta va serob narsalarni dengizga oʻxshatib kelganlar. Dengizlarning portlashi esa, hech kimning tasavvuriga sigʻmaydi. Ammo, oʻsha dengizlarning Xoliqi iroda qilgan vaqt kelganda, ular shundoq portlaydilarki, hammalari bir-birlariga qoʻshilib ketadilar va «Takvir» surasida aytilganidek, olovlanib, yonib ham ketadilar. Albatta, bundoq ulkan va dahshatli hodisa oʻz-oʻzidan yoki uncha-muncha narsaga boʻlmaydi. Balki, oʻxshashi yoʻq, eng buyuk va eng dahshatli bir sabab tufayli boʻlishi turgan gap.