Ha, oxiratda yutuqqa erishish uchun, katta olovga kirib kuymaslik uchun, oʻsha olov ichida na oʻlmay va na tirilmay ashaddiy azobda qolmaslik uchun har bir banda bu dunyoda kufrdan, shirkdan, nifoqdan va turli gunohlardan pok boʻlishi, oʻz Robbisini zikr qilib, namoz oʻqishi shart.

Ammo koʻpchilik odamlar aksincha, xato qilib, oʻzlarini umuman boshqacha tutadilar. Kelasi oyatlarda Alloh taolo ana oʻshalarga xitob qilib, ularning xatolarini yuzlariga soladi.