Ushbu oyati karimadagi «goʻzalni» turlicha taʼviyl qilinadi: goʻzal soʻz–yaʼni «Laa ilaaha illallohu», goʻzal millat–yaʼni Islom millati, goʻzal oqibat–yaʼni jannat.

Bizningcha, xuddi shundoq tartib va uslub ishlatilishi Qurʼoni Karimning moʻʼjizasidir. Agar ushbu oyatni taʼviyllarida kelgan maʼnolardan biriga bogʻlab qoʻyilganda, oyat tor maʼnoda boʻlib qolar edi. Ammo, goʻzalni zikr qilib, uning mavsufini zikr qilmaslik oyat maʼnosining juda keng boʻlishiga olib kelgan. Demak, kim xayru sadaqa qilgan, taqvo qilgan hamda goʻzal kalimani, millatni va oqibatni tasdiqlagan boʻlsa...