Oʻtgan oyatdagi «goʻzal» soʻzi haqida aytgan gaplarni ushbu oyatdagi «oson» soʻzi haqida ham aytishimiz mumkin. Yaʼni, kim molu dunyosidan sadaqa qilsa, taqvo qilsa, goʻzal kalima, millat va oqibatni tasdiq qilsa, Biz uni oson yoʻlga, dinga, amalga va oqibatga muyassar qilamiz. Oson yoʻl–hidoyat yoʻli, bu yoʻlda hech qanday qiyinchilik yoʻq. Oson din–Islom dini, bu dinning aqiydasida ham, ibodatlarida ham hech bir qiyinchilik yoʻq. Oson oqibat–jannat, unda hamma narsa osonlikdan iborat.