Yaʼni, Biz ham doʻzaxiylarni azoblovchi farishtalarni chaqiramiz. Doʻzaxning ishini boshqarib, doʻzaxiylarni azoblovchi farishtalar «Zaboniya» deb nomlanadilar. Demak, qiyomat kuni bu dunyoda molu mulkiga ishonib tugʻyonga ketgan kofir va osiylar oʻzlariga yordam beruvchi topa olmaydilar. Ular bu dunyoda pulning kuchi bilan xohlagan ishlari uchun, xohlagan vaqtlarida, xohlaganlaricha yordamchi topib oʻrganib qolgan edilar. Oxiratda undoq boʻlmaydi. Ular zalolatdadirlar.