Musaddad va Muhammad ibn Iso — maʼno bir — ikkovi: Bizga Sufyon hadis aytdi, deyishdi. Musaddad: Bizga az-Zuhriy hadis aytdi, dedi. U Humayd ibn Abdurrahmondan, u Abu Hurayradan (roziyallohu anhu) rivoyat qildi. U aytdi: Bir kishi Nabiy ﷺ huzurlariga kelib: «Halok boʻldim!», dedi. U zot: «Senga nima boʻldi?», dedilar. U: «Ramazonda ayolimga yaqinlik qildim», dedi. U zot: «Ozod qiladigan bir qul topa olasanmi?», dedilar. U: «Yoʻq», dedi. U zot: «Ketma-ket ikki oy roʻza tuta olasanmi?», dedilar. U: «Yoʻq», dedi. U zot: «Oltmish miskinga taom bera olasanmi?», dedilar. U: «Yoʻq», dedi. U zot: «Oʻtir», dedilar. Shunda Nabiy ﷺga ichida xurmo boʻlgan bir savat keltirildi. U zot: «Buni sadaqa qilgin», dedilar. U: «Ey Rasululloh, bu ikki qora tosh oraligʻida (yaʼni Madinada) bizdan kambagʻalroq oila yoʻq», dedi. Shunda Rasululloh ﷺ tishlari koʻrinib ketguncha kuldilar-da: «Unday boʻlsa, buni ularning oʻziga yedirgin», dedilar. Musaddad boshqa bir oʻrinda «anyobuhu» (oziq tishlari) deb keltirdi.Мусаддад ва Муҳаммад ибн Исо — маъно бир — иккови: Бизга Суфён ҳадис айтди, дейишди. Мусаддад: Бизга аз-Зуҳрий ҳадис айтди, деди. У Ҳумайд ибн Абдурраҳмондан, у Абу Ҳурайрадан (розияллоҳу анҳу) ривоят қилди. У айтди: Бир киши Набий ﷺ ҳузурларига келиб: «Ҳалок бўлдим!», деди. У зот: «Сенга нима бўлди?», дедилар. У: «Рамазонда аёлимга яқинлик қилдим», деди. У зот: «Озод қиладиган бир қул топа оласанми?», дедилар. У: «Йўқ», деди. У зот: «Кетма-кет икки ой рўза тута оласанми?», дедилар. У: «Йўқ», деди. У зот: «Олтмиш мискинга таом бера оласанми?», дедилар. У: «Йўқ», деди. У зот: «Ўтир», дедилар. Шунда Набий ﷺга ичида хурмо бўлган бир сават келтирилди. У зот: «Буни садақа қилгин», дедилар. У: «Эй Расулуллоҳ, бу икки қора тош оралиғида (яъни Мадинада) биздан камбағалроқ оила йўқ», деди. Шунда Расулуллоҳ ﷺ тишлари кўриниб кетгунча кулдилар-да: «Ундай бўлса, буни уларнинг ўзига едиргин», дедилар. Мусаддад бошқа бир ўринда «анёбуҳу» (озиқ тишлари) деб келтирди.