Solim al-Barrod (rahimahulloh) aytadi: Biz Uqba ibn Amr al-Ansoriy — Abu Masʼud (roziyallohu anhu)ning oldiga kelib, unga: «Bizga Rasululloh ﷺning namozlari haqida soʻzlab bering», dedik. Bas, u masjidda bizning oldimizda tik turib, takbir aytdi. Rukuʼ qilganda, ikki qoʻlini tizzalariga qoʻydi va barmoqlarini ulardan pastroqqa (yoyib) qoʻydi, ikki tirsagini (yon tomonidan) uzoqlashtirdi — to har bir aʼzosi joyiga qaror topgunicha. Soʻngra ‹Samiʼallohu liman hamidah› deb, har bir aʼzosi qaror topgunicha tik turdi. Soʻngra takbir aytib sajda qildi va ikki kaftini yerga qoʻydi, soʻng ikki tirsagini (yon tomonidan) uzoqlashtirdi — to har bir aʼzosi qaror topgunicha. Soʻngra boshini koʻtarib, har bir aʼzosi qaror topgunicha oʻtirdi. Yana ham xuddi shunday qildi. Soʻngra mana shu rakaatga oʻxshatib toʻrt rakaat namoz oʻqib, namozini ado etdi. Soʻngra: «Biz Rasululloh ﷺni mana shunday namoz oʻqiyotgan holda koʻrgan edik», dedi.Солим ал-Баррод (раҳимаҳуллоҳ) айтади: Биз Уқба ибн Амр ал-Ансорий — Абу Масъуд (розияллоҳу анҳу)нинг олдига келиб, унга: «Бизга Расулуллоҳ ﷺнинг намозлари ҳақида сўзлаб беринг», дедик. Бас, у масжидда бизнинг олдимизда тик туриб, такбир айтди. Рукуъ қилганда, икки қўлини тиззаларига қўйди ва бармоқларини улардан пастроққа (ёйиб) қўйди, икки тирсагини (ён томонидан) узоқлаштирди — то ҳар бир аъзоси жойига қарор топгунича. Сўнгра ‹Самиъаллоҳу лиман ҳамидаҳ› деб, ҳар бир аъзоси қарор топгунича тик турди. Сўнгра такбир айтиб сажда қилди ва икки кафтини ерга қўйди, сўнг икки тирсагини (ён томонидан) узоқлаштирди — то ҳар бир аъзоси қарор топгунича. Сўнгра бошини кўтариб, ҳар бир аъзоси қарор топгунича ўтирди. Яна ҳам худди шундай қилди. Сўнгра мана шу ракаатга ўхшатиб тўрт ракаат намоз ўқиб, намозини адо этди. Сўнгра: «Биз Расулуллоҳ ﷺни мана шундай намоз ўқиётган ҳолда кўрган эдик», деди.