Voil ibn Hujr (roziyallohu anhu) aytadilar: Men: «Albatta, Rasululloh ﷺning namozlariga, u zot qanday namoz oʻqishlariga qarayman», dedim. Bas, Rasululloh ﷺ turib qiblaga yuzlandilar, soʻng takbir aytdilar va qoʻllarini quloqlari roʻparasiga kelguncha koʻtardilar, soʻng oʻng qoʻllari bilan chap qoʻllarini ushladilar. Rukuʼ qilmoqchi boʻlganlarida ularni (qoʻllarini) shunga oʻxshash koʻtardilar. (Roviy) aytdi: Soʻng oʻtirdilar, chap oyoqlarini yozib (uning ustiga oʻtirdilar) va chap qoʻllarini chap sonlari ustiga qoʻydilar, oʻng tirsaklarini oʻng sonlari ustiga tiradilar, ikki barmoqlarini yumdilar va (boshqa barmoqlari bilan) halqa hosil qildilar. Men u zotning «mana shunday» deb (ishora qilayotganlarini) koʻrdim. Bishr (rovi) bosh barmoq bilan oʻrta barmoqni halqa qilib, koʻrsatkich barmoq bilan ishora qildi.Воил ибн Ҳужр (розияллоҳу анҳу) айтадилар: Мен: «Албатта, Расулуллоҳ ﷺнинг намозларига, у зот қандай намоз ўқишларига қарайман», дедим. Бас, Расулуллоҳ ﷺ туриб қиблага юзландилар, сўнг такбир айтдилар ва қўлларини қулоқлари рўпарасига келгунча кўтардилар, сўнг ўнг қўллари билан чап қўлларини ушладилар. Рукуъ қилмоқчи бўлганларида уларни (қўлларини) шунга ўхшаш кўтардилар. (Ровий) айтди: Сўнг ўтирдилар, чап оёқларини ёзиб (унинг устига ўтирдилар) ва чап қўлларини чап сонлари устига қўйдилар, ўнг тирсакларини ўнг сонлари устига тирадилар, икки бармоқларини юмдилар ва (бошқа бармоқлари билан) ҳалқа ҳосил қилдилар. Мен у зотнинг «мана шундай» деб (ишора қилаётганларини) кўрдим. Бишр (рови) бош бармоқ билан ўрта бармоқни ҳалқа қилиб, кўрсаткич бармоқ билан ишора қилди.