حَدَّثَنَا أَحْمَدُ بْنُ صَالِحٍ، حَدَّثَنَا عَبْدُ اللَّهِ بْنُ وَهْبٍ، حَدَّثَنِي عَيَّاشُ بْنُ عُقْبَةَ الْحَضْرَمِيُّ، عَنِ الْفَضْلِ بْنِ الْحَسَنِ الضَّمْرِيِّ، أَنَّ أُمَّ الْحَكَمِ، أَوْ ضُبَاعَةَ ابْنَتَىِ الزُّبَيْرِ بْنِ عَبْدِ الْمُطَّلِبِ حَدَّثَتْهُ عَنْ إِحْدَاهُمَا أَنَّهَا قَالَتْ أَصَابَ رَسُولُ اللَّهِ صلى الله عليه وسلم سَبْيًا فَذَهَبْتُ أَنَا وَأُخْتِي وَفَاطِمَةُ بِنْتُ رَسُولِ اللَّهِ صلى الله عليه وسلم فَشَكَوْنَا إِلَيْهِ مَا نَحْنُ فِيهِ وَسَأَلْنَاهُ أَنْ يَأْمُرَ لَنَا بِشَىْءٍ مِنَ السَّبْىِ . فَقَالَ رَسُولُ اللَّهِ صلى الله عليه وسلم " سَبَقَكُنَّ يَتَامَى بَدْرٍ لَكِنْ سَأَدُلُّكُنَّ عَلَى مَا هُوَ خَيْرٌ لَكُنَّ مِنْ ذَلِكَ تُكَبِّرْنَ اللَّهَ عَلَى أَثَرِ كُلِّ صَلاَةٍ ثَلاَثًا وَثَلاَثِينَ تَكْبِيرَةً وَثَلاَثًا وَثَلاَثِينَ تَسْبِيحَةً وَثَلاَثًا وَثَلاَثِينَ تَحْمِيدَةً وَلاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَىْءٍ قَدِيرٌ " . قَالَ عَيَّاشٌ وَهُمَا ابْنَتَا عَمِّ النَّبِيِّ صلى الله عليه وسلم .
Zubayr ibn Abdulmuttalibning ikki qizi Ummu Hakam yoki Zubaadan biri shunday aytdi: Rasululloh ﷺga (urushda) asirlar olib kelindi. Men, opam va Rasululloh ﷺ qizlari Fotima borib, u zotga oʻzimiz turgan ahvolimizdan shikoyat qildik va u zotdan bizga asirlardan biror narsa berishni buyurishlarini soʻradik. Shunda Rasululloh ﷺ: «Sizlardan Badr yetimlari oʻzib ketishdi (avval soʻrab kelishdi). Lekin men sizlarga shundan koʻra ham yaxshiroq narsani koʻrsataman: har namozdan keyin Allohni oʻttiz uch marta takbir aytib ulugʻlanglar, oʻttiz uch marta tasbeh ayting, oʻttiz uch marta hamd ayting va: ‹Lo ilaha illalloh, vahdahu lo sharika lah, lahul mulku va lahul hamdu va huva ala kulli shayʼin qodiyr› (Allohdan oʻzga iloh yoʻq, U yolgʻiz, Uning sherigi yoʻq, mulk Uniki va hamd Unga xosdir, U har narsaga qodirdir), deyinglar», dedilar. Ayyosh aytadi: Ular ikkovi Nabiy ﷺning amaki qizlari edilar.Зубайр ибн Абдулмутталибнинг икки қизи Умму Ҳакам ёки Зубаадан бири шундай айтди: Расулуллоҳ ﷺга (урушда) асирлар олиб келинди. Мен, опам ва Расулуллоҳ ﷺ қизлари Фотима бориб, у зотга ўзимиз турган аҳволимиздан шикоят қилдик ва у зотдан бизга асирлардан бирор нарса беришни буюришларини сўрадик. Шунда Расулуллоҳ ﷺ: «Сизлардан Бадр етимлари ўзиб кетишди (аввал сўраб келишди). Лекин мен сизларга шундан кўра ҳам яхшироқ нарсани кўрсатаман: ҳар намоздан кейин Аллоҳни ўттиз уч марта такбир айтиб улуғланглар, ўттиз уч марта тасбеҳ айтинг, ўттиз уч марта ҳамд айтинг ва: ‹Ло илаҳа иллаллоҳ, ваҳдаҳу ло шарика лаҳ, лаҳул мулку ва лаҳул ҳамду ва ҳува ала кулли шайъин қодийр› (Аллоҳдан ўзга илоҳ йўқ, У ёлғиз, Унинг шериги йўқ, мулк Уники ва ҳамд Унга хосдир, У ҳар нарсага қодирдир), дейинглар», дедилар. Айёш айтади: Улар иккови Набий ﷺнинг амаки қизлари эдилар.