Abu Umayya ash-Shaʼboniy (rahimahulloh)dan rivoyat qilinadi: Men Abu Saʼlaba al-Xushaniydan soʻrab: «Ey Abu Saʼlaba, ushbu {Oʻzlaringizni saqlangiz} oyati haqida nima deysiz?» — dedim. U: «Allohga qasamki, sen bu haqda yaxshi biladigan kishidan soʻrading. Men bu haqda Rasululloh ﷺdan soʻragan edim, u zot: ‹Yoʻq, balki yaxshilikka buyuringlar va yomonlikdan qaytaringlar. Toki itoat etiladigan baxillikni, ergashiladigan havoyi nafsni, ustun qoʻyiladigan dunyoni va har bir fikr egasining oʻz fikridan magʻrurlanishini koʻrsang, oʻzingni saqla› — yaʼni nafsing bilan mashgʻul boʻl — ‹va avom (oddiy xalq)ni oʻz holiga qoʻy. Chunki ortingizda sabr kunlari bor; oʻsha (kunlar)da sabr qilish choʻgʻni qoʻlda ushlab turishdek (mashaqqatli) boʻladi. Oʻsha (kunlar)da (yaxshi) amal qiladigan kishiga oʻsha kabi amal qiladigan ellik kishining ajri (kabi ajr) bordir›, — dedilar». Boshqa (roviy) menga shu ziyodani keltirdi: «(Birov): ‹Ey Allohning Rasuli, ulardan ellik kishining ajrimi?› — dedi. U zot: ‹Sizlardan ellik kishining ajri›, — dedilar».Абу Умайя аш-Шаъбоний (раҳимаҳуллоҳ)дан ривоят қилинади: Мен Абу Саълаба ал-Хушанийдан сўраб: «Эй Абу Саълаба, ушбу {Ўзларингизни сақлангиз} ояти ҳақида нима дейсиз?» — дедим. У: «Аллоҳга қасамки, сен бу ҳақда яхши биладиган кишидан сўрадинг. Мен бу ҳақда Расулуллоҳ ﷺдан сўраган эдим, у зот: ‹Йўқ, балки яхшиликка буюринглар ва ёмонликдан қайтаринглар. Токи итоат этиладиган бахилликни, эргашиладиган ҳавойи нафсни, устун қўйиладиган дунёни ва ҳар бир фикр эгасининг ўз фикридан мағрурланишини кўрсанг, ўзингни сақла› — яъни нафсинг билан машғул бўл — ‹ва авом (оддий халқ)ни ўз ҳолига қўй. Чунки ортингизда сабр кунлари бор; ўша (кунлар)да сабр қилиш чўғни қўлда ушлаб туришдек (машаққатли) бўлади. Ўша (кунлар)да (яхши) амал қиладиган кишига ўша каби амал қиладиган эллик кишининг ажри (каби ажр) бордир›, — дедилар». Бошқа (ровий) менга шу зиёдани келтирди: «(Биров): ‹Эй Аллоҳнинг Расули, улардан эллик кишининг ажрими?› — деди. У зот: ‹Сизлардан эллик кишининг ажри›, — дедилар».