Abdulloh ibn Abbos (roziyallohu anhumo)dan rivoyat qilinadiki, Umar ibn al-Xattob (roziyallohu anhu) xutba qilib shunday dedi: «Albatta, Alloh Muhammad ﷺni haq bilan yubordi va unga Kitobni nozil qildi. Unga nozil qilgan narsalari ichida rajm oyati ham bor edi. Biz uni oʻqidik, uni yodladik. Rasululloh ﷺ rajm qildilar, u zotdan soʻng biz ham rajm qildik. Men zamon uzaygach, odamlardan kimdir: ‹Biz Allohning Kitobida rajm oyatini topmayapmiz›, deb, Alloh taolo nozil qilgan farzni tark etish bilan adashishidan qoʻrqaman. Bas, zino qilgan erkak va ayolga — agar u muhsan (turmush koʻrgan) boʻlsa, hujjat (guvohlik) qoim boʻlsa yoki homiladorlik yo iqror boʻlsa — rajm haqdir. Allohga qasamki, agar odamlar: ‹Umar Allohning Kitobiga (narsa) qoʻshibdi›, deyishlaridan (qoʻrqmaganimda), men uni (Kitobga) yozib qoʻygan boʻlardim.»Абдуллоҳ ибн Аббос (розияллоҳу анҳумо)дан ривоят қилинадики, Умар ибн ал-Хаттоб (розияллоҳу анҳу) хутба қилиб шундай деди: «Албатта, Аллоҳ Муҳаммад ﷺни ҳақ билан юборди ва унга Китобни нозил қилди. Унга нозил қилган нарсалари ичида ражм ояти ҳам бор эди. Биз уни ўқидик, уни ёдладик. Расулуллоҳ ﷺ ражм қилдилар, у зотдан сўнг биз ҳам ражм қилдик. Мен замон узайгач, одамлардан кимдир: ‹Биз Аллоҳнинг Китобида ражм оятини топмаяпмиз›, деб, Аллоҳ таоло нозил қилган фарзни тарк этиш билан адашишидан қўрқаман. Бас, зино қилган эркак ва аёлга — агар у муҳсан (турмуш кўрган) бўлса, ҳужжат (гувоҳлик) қоим бўлса ёки ҳомиладорлик ё иқрор бўлса — ражм ҳақдир. Аллоҳга қасамки, агар одамлар: ‹Умар Аллоҳнинг Китобига (нарса) қўшибди›, дейишларидан (қўрқмаганимда), мен уни (Китобга) ёзиб қўйган бўлардим.»