Ibn Umar (roziyallohu anhumo)dan rivoyat qilinadi. U: «Bir guruh yahudiy kelib, Rasululloh ﷺni Qufga (oʻz mahallalariga) chaqirishdi. U zot ularning oldiga madrasalariga (oʻquv uylariga) bordilar. Ular: ‹Ey Abulqosim, bizdan bir kishi bir ayol bilan zino qildi, ular orasida hukm chiqaring›, dedilar. Soʻng Rasululloh ﷺga yostiq qoʻyishdi, u zot uning ustiga oʻtirdilar, soʻng: ‹Menga Tavrotni keltiringlar›, dedilar. U keltirildi. Shunda u zot ostlaridagi yostiqni olib, uning ustiga Tavrotni qoʻydilar va: ‹Senga hamda seni nozil qilgan zotga iymon keltirdim›, dedilar. Soʻng: ‹Menga eng bilimdoningizni keltiringlar›, dedilar. Shunda bir yosh yigit keltirildi», dedi. Soʻng (roviy) Molikning Nofedan rivoyat qilgan hadisiga oʻxshash tarzda rajm voqeasini zikr qildi.Ибн Умар (розияллоҳу анҳумо)дан ривоят қилинади. У: «Бир гуруҳ яҳудий келиб, Расулуллоҳ ﷺни Қуфга (ўз маҳаллаларига) чақиришди. У зот уларнинг олдига мадрасаларига (ўқув уйларига) бордилар. Улар: ‹Эй Абулқосим, биздан бир киши бир аёл билан зино қилди, улар орасида ҳукм чиқаринг›, дедилар. Сўнг Расулуллоҳ ﷺга ёстиқ қўйишди, у зот унинг устига ўтирдилар, сўнг: ‹Менга Тавротни келтиринглар›, дедилар. У келтирилди. Шунда у зот остларидаги ёстиқни олиб, унинг устига Тавротни қўйдилар ва: ‹Сенга ҳамда сени нозил қилган зотга иймон келтирдим›, дедилар. Сўнг: ‹Менга энг билимдонингизни келтиринглар›, дедилар. Шунда бир ёш йигит келтирилди», деди. Сўнг (ровий) Моликнинг Нофедан ривоят қилган ҳадисига ўхшаш тарзда ражм воқеасини зикр қилди.