Jobir ibn Abdulloh (roziyallohu anhumo)dan rivoyat qilinadi. U: «Yahudiylar oʻzlaridan zino qilgan bir erkak va bir ayolni olib kelishdi. U zot (ﷺ): ‹Menga oranglardagi eng bilimdon ikki kishini keltiringlar›, dedilar. Shunda ular Suriyoning ikki oʻgʻlini keltirishdi. U zot ularni qasamga solib: ‹Mana shu ikkovining ishini Tavrotda qanday topasizlar?› dedilar. Ular: ‹Biz Tavrotda shuni topamizki, qachon toʻrt kishi uning zakarini ayolning farjida — surma choʻpi surmadonda boʻlganidek — koʻrganliklariga guvohlik bersa, ikkalovi rajm qilinadi›, deyishdi. U zot: ‹Bas, ularni rajm qilishdan sizlarni nima toʻsib turibdi?› dedilar. Ular: ‹Bizning hokimligimiz ketdi, shuning uchun oʻldirishni yoqtirmadik›, deyishdi. Shunda Rasululloh ﷺ guvohlarni chaqirdilar. Ular toʻrt kishini keltirishdi, ular uning zakarini ayolning farjida — surma choʻpi surmadonda boʻlganidek — koʻrganliklariga guvohlik berishdi. Bas, Rasululloh ﷺ ularni rajm qilishga buyurdilar», dedi.Жобир ибн Абдуллоҳ (розияллоҳу анҳумо)дан ривоят қилинади. У: «Яҳудийлар ўзларидан зино қилган бир эркак ва бир аёлни олиб келишди. У зот (ﷺ): ‹Менга оранглардаги энг билимдон икки кишини келтиринглар›, дедилар. Шунда улар Суриёнинг икки ўғлини келтиришди. У зот уларни қасамга солиб: ‹Мана шу икковининг ишини Тавротда қандай топасизлар?› дедилар. Улар: ‹Биз Тавротда шуни топамизки, қачон тўрт киши унинг закарини аёлнинг фаржида — сурма чўпи сурмадонда бўлганидек — кўрганликларига гувоҳлик берса, иккалови ражм қилинади›, дейишди. У зот: ‹Бас, уларни ражм қилишдан сизларни нима тўсиб турибди?› дедилар. Улар: ‹Бизнинг ҳокимлигимиз кетди, шунинг учун ўлдиришни ёқтирмадик›, дейишди. Шунда Расулуллоҳ ﷺ гувоҳларни чақирдилар. Улар тўрт кишини келтиришди, улар унинг закарини аёлнинг фаржида — сурма чўпи сурмадонда бўлганидек — кўрганликларига гувоҳлик беришди. Бас, Расулуллоҳ ﷺ уларни ражм қилишга буюрдилар», деди.