Musaddad ibn Musarhad bizga Abulahvasdan, u Simokdan, u Ibrohimdan, u Alqama va Asvaddan rivoyat qildi. Ular ikkisi dedi: Abdulloh (ibn Masʼud) (roziyallohu anhu) aytdi: Bir kishi Paygʻambar ﷺning oldilariga kelib: «Men Madinaning eng chekka tomonidagi bir ayol bilan aloqa qildim, undan jinsiy yaqinlikdan boshqa hamma narsani oldim (lekin oxirigacha bormadim). Mana men shu yerdaman, menga xohlagan jazoingizni bering», dedi. Shunda Umar (roziyallohu anhu): «Alloh seni (gunohingni) yashirib bergan edi, oʻzingni ham yashirsang boʻlmasmidi?!» dedi. Paygʻambar ﷺ unga hech narsa javob qaytarmadilar. Soʻng u kishi (turib) ketdi va Paygʻambar ﷺ uning ortidan bir kishini yubordilar, uni chaqirib oldilar va unga (oyatni) tilovat qildilar: {Kunduzning ikki tarafida va kechaning bir qismida namozni toʻkis ado et}, oyatning oxirigacha (oʻqidilar). Shunda qavmdan bir kishi: «Ey Rasululloh, bu (hukm) faqat shu kishigagina xosmi yoki barcha odamlar uchunmi?» dedi. (Rasululloh ﷺ): «Yoʻq, balki barcha odamlar uchun», dedilar.Мусаддад ибн Мусарҳад бизга Абулаҳвасдан, у Симокдан, у Иброҳимдан, у Алқама ва Асваддан ривоят қилди. Улар иккиси деди: Абдуллоҳ (ибн Масъуд) (розияллоҳу анҳу) айтди: Бир киши Пайғамбар ﷺнинг олдиларига келиб: «Мен Мадинанинг энг чекка томонидаги бир аёл билан алоқа қилдим, ундан жинсий яқинликдан бошқа ҳамма нарсани олдим (лекин охиригача бормадим). Мана мен шу ердаман, менга хоҳлаган жазоингизни беринг», деди. Шунда Умар (розияллоҳу анҳу): «Аллоҳ сени (гуноҳингни) яшириб берган эди, ўзингни ҳам яширсанг бўлмасмиди?!» деди. Пайғамбар ﷺ унга ҳеч нарса жавоб қайтармадилар. Сўнг у киши (туриб) кетди ва Пайғамбар ﷺ унинг ортидан бир кишини юбордилар, уни чақириб олдилар ва унга (оятни) тиловат қилдилар: {Кундузнинг икки тарафида ва кечанинг бир қисмида намозни тўкис адо эт}, оятнинг охиригача (ўқидилар). Шунда қавмдан бир киши: «Эй Расулуллоҳ, бу (ҳукм) фақат шу кишигагина хосми ёки барча одамлар учунми?» деди. (Расулуллоҳ ﷺ): «Йўқ, балки барча одамлар учун», дедилар.