Bashir ibn Yasar (rahimahulloh)ga ansorlardan Sahl ibn Abu Hasma (roziyallohu anhu) degan kishi xabar berishicha, uning qavmidan bir necha kishi Xaybarga borib, oʻsha yerda bir-birlaridan ayrilib ketishadi. Soʻng ulardan birini oʻldirilgan holda topishadi. Ular oʻliklarini huzurida topgan (yahudiy)larga: «Doʻstimizni siz oʻldirdingiz!» deyishadi. Ular: «Biz uni oʻldirmadik va qotilini ham bilmaymiz», deyishadi. (Sahl aytadi:) «Soʻng biz Allohning Nabiysi ﷺ huzuriga bordik». (Sahl) aytadi: U zot ularga: «Buni kim oʻldirgani haqida menga isbot-dalil keltiringlar», dedilar. Ular: «Bizda dalil yoʻq», deyishdi. U zot: «Unda ular sizlar uchun qasam ichib beradilar», dedilar. Ular: «Biz yahudlarning qasamlariga rozi boʻlmaymiz», deyishdi. Allohning Nabiysi ﷺ uning qoni behuda ketishini yoqtirmadilar va uning xunini sadaqa tuyalaridan yuztasini berib (oʻzlari) toʻladilar.Башир ибн Ясар (раҳимаҳуллоҳ)га ансорлардан Саҳл ибн Абу Ҳасма (розияллоҳу анҳу) деган киши хабар беришича, унинг қавмидан бир неча киши Хайбарга бориб, ўша ерда бир-бирларидан айрилиб кетишади. Сўнг улардан бирини ўлдирилган ҳолда топишади. Улар ўликларини ҳузурида топган (яҳудий)ларга: «Дўстимизни сиз ўлдирдингиз!» дейишади. Улар: «Биз уни ўлдирмадик ва қотилини ҳам билмаймиз», дейишади. (Саҳл айтади:) «Сўнг биз Аллоҳнинг Набийси ﷺ ҳузурига бордик». (Саҳл) айтади: У зот уларга: «Буни ким ўлдиргани ҳақида менга исбот-далил келтиринглар», дедилар. Улар: «Бизда далил йўқ», дейишди. У зот: «Унда улар сизлар учун қасам ичиб берадилар», дедилар. Улар: «Биз яҳудларнинг қасамларига рози бўлмаймиз», дейишди. Аллоҳнинг Набийси ﷺ унинг қони беҳуда кетишини ёқтирмадилар ва унинг хунини садақа туяларидан юзтасини бериб (ўзлари) тўладилар.