Zirr ibn Hubaysh (rahimahulloh) aytdi: Men Ubay ibn Kaʼb (roziyallohu anhu)ga: «Ey Abul Munzir, menga Qadr kechasi haqida xabar bering, chunki ulfatimiz (Ibn Masʼud) bu haqda soʻralganda: ‹Kim yil davomida (har kecha) qoim boʻlsa, unga (Qadr kechasi) erishadi›, degan edi», dedim. Shunda u: «Alloh Abu Abdurrahmonga rahm qilsin! Alloh nomi bilan qasamki, u uning Ramazonda ekanini bilar edi, ammo (Musaddad oʻz rivoyatida ziyoda qildi:) odamlar (faqat shunga) suyanib qolishlarini yoqtirmadi, yoki suyanib qolmasliklarini istadi — soʻngra (ikki rovi) ittifoq qildi: — Alloh nomi bilan qasamki, u (Qadr kechasi) hech shubhasiz Ramazonda, yigirma yettinchi kechadadir», dedi. Men: «Ey Abul Munzir, buni qaydan bildingiz?» dedim. U: «Rasululloh ﷺ bizga xabar bergan alomat (belgi) bilan», dedi. Men Zirrga: «Alomat nima?» dedim. U: «Oʻsha kechaning ertasiga quyosh tovoqdek (nursiz) chiqadi, koʻtarilguncha unda nur boʻlmaydi», dedi.Зирр ибн Ҳубайш (раҳимаҳуллоҳ) айтди: Мен Убай ибн Каъб (розияллоҳу анҳу)га: «Эй Абул Мунзир, менга Қадр кечаси ҳақида хабар беринг, чунки улфатимиз (Ибн Масъуд) бу ҳақда сўралганда: ‹Ким йил давомида (ҳар кеча) қоим бўлса, унга (Қадр кечаси) эришади›, деган эди», дедим. Шунда у: «Аллоҳ Абу Абдурраҳмонга раҳм қилсин! Аллоҳ номи билан қасамки, у унинг Рамазонда эканини билар эди, аммо (Мусаддад ўз ривоятида зиёда қилди:) одамлар (фақат шунга) суяниб қолишларини ёқтирмади, ёки суяниб қолмасликларини истади — сўнгра (икки рови) иттифоқ қилди: — Аллоҳ номи билан қасамки, у (Қадр кечаси) ҳеч шубҳасиз Рамазонда, йигирма еттинчи кечададир», деди. Мен: «Эй Абул Мунзир, буни қайдан билдингиз?» дедим. У: «Расулуллоҳ ﷺ бизга хабар берган аломат (белги) билан», деди. Мен Зиррга: «Аломат нима?» дедим. У: «Ўша кечанинг эртасига қуёш товоқдек (нурсиз) чиқади, кўтарилгунча унда нур бўлмайди», деди.