Abdulloh ibn Unays (roziyallohu anhu)dan rivoyat qilinadi, u shunday dedi: Men Banu Salima majlisida edim va ularning eng kichigi edim. Ular: «Biz uchun Qadr kechasi haqida Rasululloh ﷺdan kim soʻraydi?» deyishdi. Bu Ramazonning yigirma birinchi (kuni) tongida edi. Men chiqdim va Rasululloh ﷺ bilan birga shom namozini oʻqidim. Soʻngra u zotning uyi eshigi oldida turdim. U zot oldimdan oʻtib: «Kirgin», dedilar. Men kirdim. U zotga kechki taom keltirildi. (Taom) ozligi sababli men undan tiyilib turganimni koʻrdilar. (Taomdan) boʻshaganlarida: «Menga kavshimni uzatgin», dedilar. U zot turdilar, men ham u zot bilan turdim. Shunda u zot: «Goʻyo sening bir hojating bordek», dedilar. Men: «Ha, meni sizning oldingizga Banu Salimadan bir guruh kishi yubordi, ular sizdan Qadr kechasi haqida soʻramoqdalar», dedim. Shunda u zot: «Bugun nechanchi kecha?» dedilar. Men: «Yigirma ikkinchi», dedim. U zot: «U (Qadr kechasi) shu kechadir», dedilar. Soʻngra (fikrlariga) qaytib: «Yoki keyingisi», dedilar, yigirma uchinchi kechani nazarda tutib.Абдуллоҳ ибн Унайс (розияллоҳу анҳу)дан ривоят қилинади, у шундай деди: Мен Бану Салима мажлисида эдим ва уларнинг энг кичиги эдим. Улар: «Биз учун Қадр кечаси ҳақида Расулуллоҳ ﷺдан ким сўрайди?» дейишди. Бу Рамазоннинг йигирма биринчи (куни) тонгида эди. Мен чиқдим ва Расулуллоҳ ﷺ билан бирга шом намозини ўқидим. Сўнгра у зотнинг уйи эшиги олдида турдим. У зот олдимдан ўтиб: «Киргин», дедилар. Мен кирдим. У зотга кечки таом келтирилди. (Таом) озлиги сабабли мен ундан тийилиб турганимни кўрдилар. (Таомдан) бўшаганларида: «Менга кавшимни узатгин», дедилар. У зот турдилар, мен ҳам у зот билан турдим. Шунда у зот: «Гўё сенинг бир ҳожатинг бордек», дедилар. Мен: «Ҳа, мени сизнинг олдингизга Бану Салимадан бир гуруҳ киши юборди, улар сиздан Қадр кечаси ҳақида сўрамоқдалар», дедим. Шунда у зот: «Бугун нечанчи кеча?» дедилар. Мен: «Йигирма иккинчи», дедим. У зот: «У (Қадр кечаси) шу кечадир», дедилар. Сўнгра (фикрларига) қайтиб: «Ёки кейингиси», дедилар, йигирма учинчи кечани назарда тутиб.