Ansorlardan boʻlgan bir kishi aytdi: Men ahlim oldidan Nabiy ﷺni koʻzlab chiqdim. Qarasam, u zot tik turgan ekanlar, yonlarida esa bir kishi u zotga yuzlanib turibdi. Men ularning bir hojati bor, deb oʻyladim. Ansoriy aytdi: Allohga qasamki, Rasululloh ﷺ shunchalik uzoq turdilarki, oxiri men uzoq turganlari uchun u zotga achina boshladim. U zot qaytganlarida: «Ey Allohning Rasuli, u kishi sizni shunchalik uzoq turgʻizdiki, uzoq turganingiz uchun sizga achina boshladim», dedim. U zot: «Sen uni koʻrdingmi?» dedilar. Men: «Ha», dedim. U zot: «U kim ekanini bilasanmi?» dedilar. Men: «Yoʻq», dedim. U zot: «U Jibril alayhissalom edi. U menga qoʻshni haqida shunchalik vasiyat qilaverdiki, hatto men uni meros ham oldiradi, deb oʻyladim», dedilar. Soʻng: «Agar unga salom berganingda, u senga salomingni qaytarardi», dedilar.Ансорлардан бўлган бир киши айтди: Мен аҳлим олдидан Набий ﷺни кўзлаб чиқдим. Қарасам, у зот тик турган эканлар, ёнларида эса бир киши у зотга юзланиб турибди. Мен уларнинг бир ҳожати бор, деб ўйладим. Ансорий айтди: Аллоҳга қасамки, Расулуллоҳ ﷺ шунчалик узоқ турдиларки, охири мен узоқ турганлари учун у зотга ачина бошладим. У зот қайтганларида: «Эй Аллоҳнинг Расули, у киши сизни шунчалик узоқ турғиздики, узоқ турганингиз учун сизга ачина бошладим», дедим. У зот: «Сен уни кўрдингми?» дедилар. Мен: «Ҳа», дедим. У зот: «У ким эканини биласанми?» дедилар. Мен: «Йўқ», дедим. У зот: «У Жибрил алайҳиссалом эди. У менга қўшни ҳақида шунчалик васият қилавердики, ҳатто мен уни мерос ҳам олдиради, деб ўйладим», дедилар. Сўнг: «Агар унга салом берганингда, у сенга саломингни қайтарарди», дедилар.