Ansorlardan boʻlgan bir kishi aytdi: Ahlim bilan Nabiy ﷺning huzurlariga bormoqchi boʻlib chiqdim. Qarasam, u zot tik turibdilar, bir kishi esa u zotga yuzlanib turibdi. Ikkovining hojati bor deb oʻylab, oʻtirdim. Allohga qasamki, Rasululloh ﷺ shu qadar uzoq tik turdilarki, uzoq turganlari uchun u zotga achina boshladim. Soʻng u zot qaytdilar. Men oʻrnimdan turib, u zotning oldilariga bordim va: «Ey Allohning Rasuli, bu kishi sizni shu qadar uzoq turgʻizdiki, uzoq turganingiz uchun sizga achina boshladim», dedim. U zot: «Bu kim ekanini bilasanmi?» dedilar. Men: «Yoʻq», dedim. U zot: «U Jibril edi, u meni qoʻshni haqida shunday tayinladiki, hatto men uni merosxoʻr qiladi deb oʻylab qoldim. Bilginki, agar unga salom bergan boʻlganingda, u senga salomni qaytargan boʻlar edi», dedilar.Ансорлардан бўлган бир киши айтди: Аҳлим билан Набий ﷺнинг ҳузурларига бормоқчи бўлиб чиқдим. Қарасам, у зот тик турибдилар, бир киши эса у зотга юзланиб турибди. Икковининг ҳожати бор деб ўйлаб, ўтирдим. Аллоҳга қасамки, Расулуллоҳ ﷺ шу қадар узоқ тик турдиларки, узоқ турганлари учун у зотга ачина бошладим. Сўнг у зот қайтдилар. Мен ўрнимдан туриб, у зотнинг олдиларига бордим ва: «Эй Аллоҳнинг Расули, бу киши сизни шу қадар узоқ турғиздики, узоқ турганингиз учун сизга ачина бошладим», дедим. У зот: «Бу ким эканини биласанми?» дедилар. Мен: «Йўқ», дедим. У зот: «У Жибрил эди, у мени қўшни ҳақида шундай тайинладики, ҳатто мен уни меросхўр қилади деб ўйлаб қолдим. Билгинки, агар унга салом берган бўлганингда, у сенга саломни қайтарган бўлар эди», дедилар.