Abdulloh ibn Masʼud (roziyallohu anhu)dan rivoyat qilinadi: Kufada qizil bir shamol koʻtarildi. Shunda bir kishi keldiki, uning: «Yo Abdulloh ibn Masʼud! Qiyomat keldi», degan gapdan boshqa takrorlaydigan soʻzi yoʻq edi. (Ibn Masʼud) yonboshlab oʻtirgan edi, oʻtirib oldi-da: «Albatta, qiyomat meros boʻlinmay va gʻanimatga shod boʻlinmay turib qoyim boʻlmaydi», dedi. Soʻng qoʻli bilan Shom tomonga ishora qilib: «Bir dushman islom ahliga qarshi (kuch) toʻplaydi, islom ahli ham ularga qarshi (kuch) toʻplaydi», dedi. Men: «Rumliklarni nazarda tutyapsizmi?» dedim. U: «Ha», dedi. Va: «Oʻsha jang paytida qattiq qaytarish (qarshilik) boʻladi. Shunda musulmonlar oʻlimga (tayyor) bir guruh ajratadilarki, ular faqat gʻolib boʻlib qaytadilar. Soʻng oʻrtalarini tun ajratguncha jang qiladilar, har ikki tomon ham gʻolib boʻlmagan holda qaytadi va (oʻlimga ajratilgan) guruh tugab bitadi. Soʻng musulmonlar yana oʻlimga (tayyor) bir guruh ajratadilarki, ular faqat gʻolib boʻlib qaytadilar. Soʻng oʻrtalarini tun ajratguncha jang qiladilar, har ikki tomon ham gʻolib boʻlmagan holda qaytadi va (oʻlimga ajratilgan) guruh tugab bitadi. Soʻng musulmonlar yana oʻlimga (tayyor) bir guruh ajratadilarki, ular faqat gʻolib boʻlib qaytadilar. Soʻng kech kirguncha jang qiladilar, har ikki tomon ham gʻolib boʻlmagan holda qaytadi va (oʻlimga ajratilgan) guruh tugab bitadi. Toʻrtinchi kun boʻlganda esa islom ahlining qolgani ularga qarshi yurish qiladi va Alloh azza va jalla magʻlubiyatni ularning ustiga soladi. Shunda ular shunday qirgʻin qiladilarki, — yo: ‹uning misli koʻrilmaydi›, yo: ‹uning mislini koʻrmagan edik›, dedi — hatto qush ularning yonidan oʻtsa, oʻlik holda yiqilmaguncha ularni ortda qoldira olmaydi. Bir otaning bolalari — yuz kishi edilar — sanashadi», dedi.Абдуллоҳ ибн Масъуд (розияллоҳу анҳу)дан ривоят қилинади: Куфада қизил бир шамол кўтарилди. Шунда бир киши келдики, унинг: «Ё Абдуллоҳ ибн Масъуд! Қиёмат келди», деган гапдан бошқа такрорлайдиган сўзи йўқ эди. (Ибн Масъуд) ёнбошлаб ўтирган эди, ўтириб олди-да: «Албатта, қиёмат мерос бўлинмай ва ғаниматга шод бўлинмай туриб қойим бўлмайди», деди. Сўнг қўли билан Шом томонга ишора қилиб: «Бир душман ислом аҳлига қарши (куч) тўплайди, ислом аҳли ҳам уларга қарши (куч) тўплайди», деди. Мен: «Румликларни назарда тутяпсизми?» дедим. У: «Ҳа», деди. Ва: «Ўша жанг пайтида қаттиқ қайтариш (қаршилик) бўлади. Шунда мусулмонлар ўлимга (тайёр) бир гуруҳ ажратадиларки, улар фақат ғолиб бўлиб қайтадилар. Сўнг ўрталарини тун ажратгунча жанг қиладилар, ҳар икки томон ҳам ғолиб бўлмаган ҳолда қайтади ва (ўлимга ажратилган) гуруҳ тугаб битади. Сўнг мусулмонлар яна ўлимга (тайёр) бир гуруҳ ажратадиларки, улар фақат ғолиб бўлиб қайтадилар. Сўнг ўрталарини тун ажратгунча жанг қиладилар, ҳар икки томон ҳам ғолиб бўлмаган ҳолда қайтади ва (ўлимга ажратилган) гуруҳ тугаб битади. Сўнг мусулмонлар яна ўлимга (тайёр) бир гуруҳ ажратадиларки, улар фақат ғолиб бўлиб қайтадилар. Сўнг кеч киргунча жанг қиладилар, ҳар икки томон ҳам ғолиб бўлмаган ҳолда қайтади ва (ўлимга ажратилган) гуруҳ тугаб битади. Тўртинчи кун бўлганда эса ислом аҳлининг қолгани уларга қарши юриш қилади ва Аллоҳ азза ва жалла мағлубиятни уларнинг устига солади. Шунда улар шундай қирғин қиладиларки, — ё: ‹унинг мисли кўрилмайди›, ё: ‹унинг мислини кўрмаган эдик›, деди — ҳатто қуш уларнинг ёнидан ўтса, ўлик ҳолда йиқилмагунча уларни ортда қолдира олмайди. Бир отанинг болалари — юз киши эдилар — санашади», деди.