Alqama Abdullohdan rivoyat qiladi: Abdulloh (roziyallohu anhu) bir yer yorilishi haqida eshitdi va dedi: Biz — Muhammad ﷺning ashoblari — oyatlarni (moʻjizalarni) baraka deb sanardik, sizlar esa ularni qoʻrqitish deb sanaysizlar. Bir kuni biz Rasululloh ﷺ bilan birga edik, yonimizda suv yoʻq edi. Rasululloh ﷺ bizga: «Kimning yonida (suv) bor ekan, qidiringlar», dedilar. Biz shunday qildik va suv keltirildi. U zot uni idishga quydilar, soʻng ikki kaftlarini (uning ichiga) qoʻydilar va suv barmoqlari orasidan chiqa boshladi. Soʻng u zot: «Muborak tahorat suviga kelinglar! Baraka esa Allohdandir», dedilar. Men undan qornimni toʻldirdim, odamlar ham undan suv ichdilar. Abdulloh dedi: Biz taomning yeyilayotgan paytida tasbeh aytganini eshitardik.Алқама Абдуллоҳдан ривоят қилади: Абдуллоҳ (розияллоҳу анҳу) бир ер ёрилиши ҳақида эшитди ва деди: Биз — Муҳаммад ﷺнинг ашоблари — оятларни (мўжизаларни) барака деб санардик, сизлар эса уларни қўрқитиш деб санайсизлар. Бир куни биз Расулуллоҳ ﷺ билан бирга эдик, ёнимизда сув йўқ эди. Расулуллоҳ ﷺ бизга: «Кимнинг ёнида (сув) бор экан, қидиринглар», дедилар. Биз шундай қилдик ва сув келтирилди. У зот уни идишга қуйдилар, сўнг икки кафтларини (унинг ичига) қўйдилар ва сув бармоқлари орасидан чиқа бошлади. Сўнг у зот: «Муборак таҳорат сувига келинглар! Барака эса Аллоҳдандир», дедилар. Мен ундан қорнимни тўлдирдим, одамлар ҳам ундан сув ичдилар. Абдуллоҳ деди: Биз таомнинг ейилаётган пайтида тасбеҳ айтганини эшитардик.