Abdulloh (roziyallohu anhu) aytdi: Rasululloh ﷺ ashoblariga hadis aytib turganlarida bir yahudiy u zotning yonidan oʻtdi. Quraysh: «Ey yahudiy, bu (kishi) oʻzini nabiy deb daʼvo qilyapti», dedi. U: «Men undan faqat nabiygina biladigan bir narsani soʻrayman», dedi. Soʻng kelib oʻtirdi-da: «Ey Muhammad, inson nimadan yaratiladi?» dedi. U zot: «Ey yahudiy, u hammasidan — erkakning nutfasidan ham, ayolning nutfasidan ham yaratiladi. Erkakning nutfasi quyuq nutfa boʻlib, undan suyak va pay (boʻladi); ayolning nutfasi esa suyuq nutfa boʻlib, undan goʻsht va qon (boʻladi)», dedilar. Shunda yahudiy oʻrnidan turdi-da: «Sendan oldingilar ham xuddi shunday der edi», dedi.Абдуллоҳ (розияллоҳу анҳу) айтди: Расулуллоҳ ﷺ ашобларига ҳадис айтиб турганларида бир яҳудий у зотнинг ёнидан ўтди. Қурайш: «Эй яҳудий, бу (киши) ўзини набий деб даъво қиляпти», деди. У: «Мен ундан фақат набийгина биладиган бир нарсани сўрайман», деди. Сўнг келиб ўтирди-да: «Эй Муҳаммад, инсон нимадан яратилади?» деди. У зот: «Эй яҳудий, у ҳаммасидан — эркакнинг нутфасидан ҳам, аёлнинг нутфасидан ҳам яратилади. Эркакнинг нутфаси қуюқ нутфа бўлиб, ундан суяк ва пай (бўлади); аёлнинг нутфаси эса суюқ нутфа бўлиб, ундан гўшт ва қон (бўлади)», дедилар. Шунда яҳудий ўрнидан турди-да: «Сендан олдингилар ҳам худди шундай дер эди», деди.