Abu Shurayh al-Adaviy (roziyallohu anhu)dan rivoyat qilinadi: U dedi: Rasululloh ﷺ gapirganlarida quloqlarim eshitdi va koʻzlarim koʻrdi. U zot: «Kim Allohga va oxirat kuniga iymon keltirsa, qoʻshnisini ikrom qilsin; kim Allohga va oxirat kuniga iymon keltirsa, mehmonini joizasi bilan ikrom qilsin», dedilar. Sahobalar: «Yo Rasululloh, uning joizasi nima?» dedilar. U zot: «(Joizasi) bir kun-u bir kechadir, mehmondorchilik esa uch kundir. Bundan keyingisi unga (qilingan) sadaqadir», dedilar. Va: «Kim Allohga va oxirat kuniga iymon keltirsa, yaxshi soʻz aytsin yoki jim tursin», dedilar. Abu Komil (rivoyatida): «(Mehmon) uni tanglikka solguncha uning oldida turmasin», (deb keldi).Абу Шурайҳ ал-Адавий (розияллоҳу анҳу)дан ривоят қилинади: У деди: Расулуллоҳ ﷺ гапирганларида қулоқларим эшитди ва кўзларим кўрди. У зот: «Ким Аллоҳга ва охират кунига иймон келтирса, қўшнисини икром қилсин; ким Аллоҳга ва охират кунига иймон келтирса, меҳмонини жоизаси билан икром қилсин», дедилар. Саҳобалар: «Ё Расулуллоҳ, унинг жоизаси нима?» дедилар. У зот: «(Жоизаси) бир кун-у бир кечадир, меҳмондорчилик эса уч кундир. Бундан кейингиси унга (қилинган) садақадир», дедилар. Ва: «Ким Аллоҳга ва охират кунига иймон келтирса, яхши сўз айтсин ёки жим турсин», дедилар. Абу Комил (ривоятида): «(Меҳмон) уни тангликка солгунча унинг олдида турмасин», (деб келди).