Abu Hurayra (roziyallohu anhu)dan rivoyat qilinadi: Abu Zar (roziyallohu anhu): «Ey Allohning Rasuli, boy-badavlat kishilar (barcha) ajrlarni olib ketishdi: ular biz namoz oʻqiganday namoz oʻqiydilar, biz roʻza tutganday roʻza tutadilar, ammo ularning ortiqcha mol-mulklari bor — uni sadaqa qiladilar; bizning esa sadaqa qiladigan narsamiz yoʻq», dedi. Shunda Rasululloh ﷺ: «Senga shunday kalimalarni koʻrsatmaymi — agar ular bilan amal qilsang, oʻzingdan oʻtganlarga yetib olasan va sening amalingdek amal qilgan kishidan boshqa hech kim senga yeta olmaydi?» dedilar. U: «Albatta (koʻrsating), ey Allohning Rasuli», dedi. U zot: «Har namoz ortidan oʻttiz uch marta takbir aytasan, oʻttiz uch marta tasbeh aytasan, oʻttiz uch marta hamd aytasan va ularni ‹Lo ilaha illallohu vahdahu lo sharika lahu, lahul-mulku va lahul-hamdu va huva alo kulli shayʼin qodir› bilan tugatasan», dedilar.Абу Ҳурайра (розияллоҳу анҳу)дан ривоят қилинади: Абу Зар (розияллоҳу анҳу): «Эй Аллоҳнинг Расули, бой-бадавлат кишилар (барча) ажрларни олиб кетишди: улар биз намоз ўқигандай намоз ўқийдилар, биз рўза тутгандай рўза тутадилар, аммо уларнинг ортиқча мол-мулклари бор — уни садақа қиладилар; бизнинг эса садақа қиладиган нарсамиз йўқ», деди. Шунда Расулуллоҳ ﷺ: «Сенга шундай калималарни кўрсатмайми — агар улар билан амал қилсанг, ўзингдан ўтганларга етиб оласан ва сенинг амалингдек амал қилган кишидан бошқа ҳеч ким сенга ета олмайди?» дедилар. У: «Албатта (кўрсатинг), эй Аллоҳнинг Расули», деди. У зот: «Ҳар намоз ортидан ўттиз уч марта такбир айтасан, ўттиз уч марта тасбеҳ айтасан, ўттиз уч марта ҳамд айтасан ва уларни ‹Ло илаҳа иллаллоҳу ваҳдаҳу ло шарика лаҳу, лаҳул-мулку ва лаҳул-ҳамду ва ҳува ало кулли шайъин қодир› билан тугатасан», дедилар.