Abu Hurayra (roziyallohu anhu)dan rivoyat qilinadi: Rasululloh ﷺ: «Ikki ayol oʻzlari bilan birga ikki bolani olib chiqishdi. Boʻri ulardan birining (bolasi) ustiga hujum qildi. Soʻng ikkovi qolgan bola haqida talashib qolishdi va Dovudga daʼvolashib bordilar. U (bolani) ikkalasidan kattasiga hukm qildi. Soʻng ular Sulaymon paygʻambarning oldidan oʻtdilar. U: ‹Sizlarga qanday hukm qildi?› dedi. Ular unga voqeani soʻzlab berdilar. U: ‹Menga pichoq keltiringlar, bolani ikkovingizga boʻlib beray›, dedi. Kichigi: ‹Uni boʻlasanmi?› dedi. U: ‹Ha›, dedi. (Kichigi): ‹Unday qilma, undagi hissam unga boʻlaqolsin›, dedi. Shunda u: ‹U sening oʻgʻling›, dedi va uni unga hukm qildi», dedilar.Абу Ҳурайра (розияллоҳу анҳу)дан ривоят қилинади: Расулуллоҳ ﷺ: «Икки аёл ўзлари билан бирга икки болани олиб чиқишди. Бўри улардан бирининг (боласи) устига ҳужум қилди. Сўнг иккови қолган бола ҳақида талашиб қолишди ва Довудга даъволашиб бордилар. У (болани) иккаласидан каттасига ҳукм қилди. Сўнг улар Сулаймон пайғамбарнинг олдидан ўтдилар. У: ‹Сизларга қандай ҳукм қилди?› деди. Улар унга воқеани сўзлаб бердилар. У: ‹Менга пичоқ келтиринглар, болани икковингизга бўлиб берай›, деди. Кичиги: ‹Уни бўласанми?› деди. У: ‹Ҳа›, деди. (Кичиги): ‹Ундай қилма, ундаги ҳиссам унга бўлақолсин›, деди. Шунда у: ‹У сенинг ўғлинг›, деди ва уни унга ҳукм қилди», дедилар.